اتىراۋ وبلىسىندا پاتەردەگى ەكى بالانىڭ ولىمىنە قاتىستى كۇدىكتى ۇستالدى. بۇل تۋرالى اتىراۋ وبلىستىق پوليتسيا دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، اتىراۋ وبلىسىنىڭ يندەر اۋدانىندا 25 ساۋىردە ءورت شىعىپ، پاتەردەن 10 جانە 7 جاستاعى ەكى بالانىڭ ءمايىتى تابىلدى. پاتەردى ورتەگەن ادام انىقتالدى.
"اۋداندىق پوليتسيا ءبولىمىنىڭ جەدەل-تەرگەۋ توبى وقيعا ورنىندا قالعان جانار-جاعارماي قۇيىلعان كونتەينەردى انىقتادى. 31 جاستاعى ەر ادام جاقىن ماڭداعى جانارماي قۇيۋ بەكەتىنەن جانارماي ساتىپ الىپتى. بۇل بەينەكامەرالاردىڭ كومەگىمەن انىقتالدى. كۇدىكتى ولاردىڭ تانىسى ەكەن. جەدەل ىزدەستىرۋ شارالارى بارىسىندا كۇدىكتى ورال قالاسىنا جەتكىزىلىپ، ۋاقىتشا ۇستاۋ يزولياتورىنا قامالدى", – دەلىنگەن حابارلامادا.
كۇدىكتىنىڭ ۇستىنەن كىسى ءولتىرۋ بابى بويىنشا ءىس قوزعالعان.
"ەكى نەمەسە ودان دا كوپ ادامعا قاتىستى ادامداردىڭ ومىرىنە قاۋىپتى، توتەنشە جاعدايدا، كامەلەتكە تولماعان ادامعا قاتىستى ادام ءولتىرۋ بويىنشا ءىس قوزعالدى. بۇل ارەكەت ءۇشىن ءومىر بويىنا باس بوستاندىعىنان ايىرۋ جازاسى قاراستىرىلعان”، – دەدى وبلىستىق پد.
ەسكە سالساق، بۇگىن اتىراۋ وبلىسىندا ءۇي ورتەنىپ، سالدارىنان ەكى بالا قازا تاپقانىن حابارلاعان ەدىك.
