بۇگىن — حالىقارالىق چەرنوبىل اپاتىنىڭ قۇرباندارىن ەسكە الۋ كۇنى، دەپ حابارلايدى «ادىرنا» ءتىلشىسى.
وسىدان 38 جىل بۇرىن، 1986 جىلدىڭ 26 ساۋىرىندە چەرنوبىل اتوم ەلەكتر ستانساسىندا جارىلىس بولىپ، ونىڭ سالدارى مىڭداعان ادامنىڭ ءومىرىن جالماعان ەدى. چاەس اتومدىق رەاكتورى تولىعىمەن ءبۇلىنىپ، قورشاعان ورتاعا راديواكتيۆتى زاتتار تارادى. بۇل زوبالاڭنىڭ زارداپتارىن جويۋعا كەڭەس وداعىنىڭ تۇكپىر-تۇكپىرىنەن 600 مىڭداي ادام تارتىلدى. ال قازاقستاننان 30 مىڭنان استام ادام بارعان بولاتىن. قازىرگى تاڭدا ولاردىڭ شامامەن 6 مىڭعا جۋىعىنىڭ كوزى ءتىرى.
بۇعان دەيىن «ادىرنا» ءتىلشىسى چەرنوبىلداعى اتوم اپاتىنىڭ زاردابىن جويۋعا قاتىسقانداردىڭ ءبىرى، رايىمبەك اۋدانى چەرنوبىل اپاتى ارداگەرلەرىنىڭ توراعاسى بەرىك سىدىقوۆپەن تىلدەسكەن ەدى. ارداگەر اپاتقا قيعان دەنساۋلىعىن قايتا قالپىنا كەلتىرە المايتىنىنا قاپالى ەكەنىن جەتكىزدى.
