Búgin — halyqaralyq Chernobyl apatynyń qurbandaryn eske alý kúni, dep habarlaıdy «Adyrna» tilshisi.
Osydan 38 jyl buryn, 1986 jyldyń 26 sáýirinde Chernobyl atom elektr stansasynda jarylys bolyp, onyń saldary myńdaǵan adamnyń ómirin jalmaǵan edi. ChAES atomdyq reaktory tolyǵymen búlinip, qorshaǵan ortaǵa radıoaktıvti zattar tarady. Bul zobalańnyń zardaptaryn joıýǵa Keńes Odaǵynyń túkpir-túkpirinen 600 myńdaı adam tartyldy. Al Qazaqstannan 30 myńnan astam adam barǵan bolatyn. Qazirgi tańda olardyń shamamen 6 myńǵa jýyǵynyń kózi tiri.
Buǵan deıin «Adyrna» tilshisi Chernobyldaǵy atom apatynyń zardabyn joıýǵa qatysqandardyń biri, Raıymbek aýdany Chernobyl apaty ardagerleriniń tóraǵasy Berik Sydyqovpen tildesken edi. Ardager apatqa qıǵan densaýlyǵyn qaıta qalpyna keltire almaıtynyna qapaly ekenin jetkizdi.
