Ereımentaý aýdanyndaǵy Qorjynkól kólinde balyqshylar kóligi jartylaı muz astyna túsip ketti. Qysqy balyq aýlaý áýesqoılaryna Aqmola oblysynyń qutqarýshylary kómekke keldi, - dep habarlaıdy “Adyrna” tilshisi Tótenshe jaǵdaılar departamentiniń baspasóz qyzmetine silteme jasap.
Kólikti shyǵarý úshin qutqarýshylar arnaıy tehnıkany qoldanýǵa májbúr boldy. Qurbandar men zardap shekkender joq.
Aqmola oblysynyń Tótenshe jaǵdaılar departamenti oblys turǵyndary men qonaqtaryn sý aıdyndarynyń betinde kólikpen júrýden bas tartýǵa shaqyrady.
