26 ساۋىردە «ماەك» جشس ماڭعىستاۋ وبلىستىق اكىمدىگىنىڭ وكىلدەرىمەن بىرلەسىپ، اۋىز سۋ تاريفتەرىن كوتەرۋگە بايلانىستى قوعامدىق تىڭداۋلار وتكىزدى. جيىنعا وبلىس اكىمىنىڭ ءبىرىنشى ورىنباسارى 100 شەلەك اكەلدى، دەپ حابارلايدى «ادىرنا» ءتىلشىسى lada.kz-كە سىلتەمە جاساپ.
جۇماباي قاراعاەۆ بۇل قادامعا ءبىر تەكشە مەتر سۋدىڭ كولەمى قانشا ەكەنىن كورسەتۋ ءۇشىن بارعان. وسىلايشا ول كوپشىلىكتى سۋدى ۇنەمدەۋگە شاقىردى.
«ءبىز ەش ويلانباستان 498-500 تەڭگەگە گازدالماعان اۋىزسۋدى ساتىپ الامىز. مۇندا 100 شەلەك بار. 60 شەلەكتى تولتىرساڭىز، مۇنى MAەك سەكۋندىنا وندىرە الادى. ورتاشا تالاپ ەتىلەتىن تاريف 398 تەڭگە دەپ ايتىپ جاتىرمىز. مەن جاي عانا بۇل قانشا بولارىن كوزبەن كورسەتكىم كەلدى. ءبىز «تەكشە مەتر» دەگەن ولشەمگە وتە سۋبەكتيۆتى قاراي باستادىق. مەن بارشاڭىزدى وبەكتيۆتى بولۋعا شاقىرامىن»،—دەدى شەنەۋنىك.
اكىم ورىنباسارى قازىر جەرگىلىكتى بيلىك تاراپىنان سۋ رەسۋرستارىن ۇتىمدى پايدالانۋ باعىتىندا اۋقىمدى جۇمىستار اتقارىلىپ جاتقانىن مالىمدەدى. ءوز سوزىندە ول ءبىر تەكشە مەتر سۋدىڭ نە ەكەنىن، ونى ۇتىمدى ءارى ۇقىپتى پايدالانۋدىڭ قانشالىق ماڭىزدى ەكەنىن وسكەلەڭ ۇرپاققا تۇسىندىرگىسى كەلگەنىن ايتتى.
