26 sáýirde «MAEK» JShS Mańǵystaý oblystyq ákimdiginiń ókilderimen birlesip, aýyz sý tarıfterin kóterýge baılanysty qoǵamdyq tyńdaýlar ótkizdi. Jıynǵa oblys ákiminiń birinshi orynbasary 100 shelek ákeldi, dep habarlaıdy «Adyrna» tilshisi lada.kz-ke silteme jasap.
Jumabaı Qaraǵaev bul qadamǵa bir tekshe metr sýdyń kólemi qansha ekenin kórsetý úshin barǵan. Osylaısha ol kópshilikti sýdy únemdeýge shaqyrdy.
«Biz esh oılanbastan 498-500 teńgege gazdalmaǵan aýyzsýdy satyp alamyz. Munda 100 shelek bar. 60 shelekti toltyrsańyz, muny MAEK sekýndyna óndire alady. Ortasha talap etiletin tarıf 398 teńge dep aıtyp jatyrmyz. Men jaı ǵana bul qansha bolaryn kózben kórsetkim keldi. Biz «tekshe metr» degen ólshemge óte sýbektıvti qaraı bastadyq. Men barshańyzdy obektıvti bolýǵa shaqyramyn»,—dedi sheneýnik.
Ákim orynbasary qazir jergilikti bılik tarapynan sý resýrstaryn utymdy paıdalaný baǵytynda aýqymdy jumystar atqarylyp jatqanyn málimdedi. Óz sózinde ol bir tekshe metr sýdyń ne ekenin, ony utymdy ári uqypty paıdalanýdyń qanshalyq mańyzdy ekenin óskeleń urpaqqa túsindirgisi kelgenin aıtty.
