دۇيسەنبى، 6 مامىر كۇنى قۋاندىق بيشىمباەۆ پەن ونىڭ ءىنىسى باقىتجان بايجانوۆ سوتتا سوڭعى ءسوزىن ايتادى، - دەپ حابارلايدى "ادىرنا" ۇلتتىق پورتالى سوتتىڭ ءباسپاسوز قىزمەتىنە سىلتەمە جاساپ.
بۇگىن قۋاندىق بيشىمباەۆ پەن باقىتجان بايجانوۆقا قاتىستى قىلمىستىق ءىس بويىنشا كەزەكتى سوت وتىرىسى ءوتتى. سوت وتىرىسىندا ايىپتالۋشىلار ءسوز سويلەپ، ودان كەيىن تاراپتاردىڭ پىكىرى تىڭدالدى.
سودان كەيىن سوت القابيلەردىڭ قاتىسۋىنسىز ءجارىسسوزدىڭ ەكىنشى بولىگىنە كوشتى. قىلمىستىق ءىس جۇرگىزۋ كودەكسىنىڭ 651-بابىنا سايكەس، القابيلەردىڭ قاتىسۋىمەن سوتتا تاراپتاردىڭ ءجارىسسوزى ەكى بولىكتەن تۇرادى.
ءجارىسسوزدىڭ ەكىنشى بولىگىندە تاراپتار سوتتالۋشىلاردىڭ ارەكەتتەرىن سارالاۋ، ۇكىم شىعارۋ جانە ازاماتتىق تالاپ قويۋ ماسەلەلەرى بويىنشا ءوز ۇستانىمدارىن ورتاعا سالدى.
«سوتتالۋشىلاردىڭ سوڭعى ءسوزى 6 مامىر كۇنى ساعات 10:00-دە ايتىلادى»، - دەدى سوت.
