رەسپۋبليكا پرەزيدەنتى III تاشكەنت حالىقارالىق ينۆەستيتسيالىق فورۋمىندا الپاۋىت مەملەكەتتەردى تاۋ-كەن ونەركاسىبىنە تارتاتىنىن مالىمدەدى، دەپ حابارلايدى "ادىرنا" ۇلتتىق پورتالى ورتالىق ازيا جاڭالىقتارىنا سىلتەپ.
جيىن 2 مامىر كۇنى وتكەن بولاتىن.
وزبەكستان پرەزيدەنتى شاۆكات ميرزيەەۆ III تاشكەنت حالىقارالىق ينۆەستيتسيالىق فورۋمىندا سويلەگەن سوزىندە ەۋروپالىق وداق جانە اقش-پەن ەكونوميكالىق ىنتىماقتاستىقتى، اسىرەسە تاۋ-كەن ونەركاسىبىندە كەڭەيتۋ جوسپارلارى تۋرالى ايتتى. وزبەكستان ماڭىزدى شيكىزات بويىنشا اقش جانە ۇلىبريتانيامەن ىنتىماقتاستىق ورناتۋعا نيەتتى.
مەملەكەت باسشىسى رەسپۋبليكادا التىن، مىس، ۆولفرام، كۇمىس جانە ۋران سياقتى پايدالى قازبالار مەن ماڭىزدى مەتالداردىڭ قوماقتى قورى بار ەكەنىن اتاپ ءوتتى. ونىڭ ۇستىنە وزبەكستاندا ليتي، ماگني، موليبدەن، گەرماني، ۆانادي جانە يندي سياقتى سيرەك كەزدەسەتىن مەتالداردىڭ كوپ مولشەرى بار ەكەنى بەلگىلى بولدى.
شاۆكات ميرزيەەۆ تاۋ-كەن سالاسىنداعى ستراتەگيالىق ىنتىماقتاستىق وزبەكستان مەن ەۋرووداق اراسىندا بۇرىن دا باستالعانىن ەسكە سالدى. بولاشاقتا وزبەكستان باسشىسى اقش جانە ۇلىبريتانيامەن وسىنداي ىنتىماقتاستىقتى باستاۋعا ۇمىتتەنەدى.
ميرزيوەۆ ءىرى كومپانيالاردى وزبەكستاندا ستراتەگيالىق شيكىزاتتى ءوندىرۋ جوبالارىن جۇزەگە اسىرۋعا قاتىسۋعا شاقىردى.
