توقاەۆ تەڭىز ەلدى مەكەنىندە بولعان جاعدايدىڭ قايتالانۋىنا جول بەرمەۋ كەرەك ەكەنىن ايتتى
قازاقستاننىڭ پرەزيدەنتى قاسىم-جومارت توقاەۆ شەتەلدىك كومپانيالاردا جەرگىلىكتى ماماندارعا لايىقتى جالاقى تولەۋ ماسەلەسىن كوتەردى، دەپ حابارلايدى Sputnik قازاقستان تىلشىسى.
"مەن اتىراۋدا جەرگىلىكتى جانە شەتەلدىك جۇمىسشىلارعا لايىقتى جالاقى تولەپ، ادىلەتتىلىكتى ساقتاۋدى تاپسىردىم. ۇكىمەتكە وسى ماسەلەنىڭ انىق-قانىعىنا جەتىپ، شەشۋدى تاپسىرامىن. اسقار ۇزاقبايۇلى ۇكىمەت باسشىسى - Sputnik قازاقستان), وسى جاعدايدى ەگجەي-تەگجەيلى زەرتتەڭىز. سونىڭ ىشىندە جۇمىسشىلاردىڭ ەڭبەك جاعدايى مەن جالاقىسىنا بايلانىستى ساراپتاما جاساڭىز. ەگەر ينۆەستورلارمەن جاسالعان كەلىسىمشارتتارعا وزگەرتۋلەر ەنگىزۋ قاجەت بولسا، بۇل ماسەلەنى كۇن تارتىبىنە قويۋ قاجەت. ارينە، بۇل – وڭاي شارۋا ەمەس، مۇنى تۇسىنەمىن", - دەدى توقاەۆ ۇكىمەتتىڭ كەڭەيتىلگەن وتىرىسىندا.
پرەزيدەنتتىڭ ايتۋىنشا، بارلىق مەملەكەتتىك ورگاننىڭ باستى مىندەتى – ۇلتتىق مۇددەنى قورعاۋ. بۇدان بولەك، مەملەكەت باسشىسى وتاندىق مامانداردىڭ كاسىبي دايىندىعىنا جانە ەڭبەك ءتارتىبىن ساقتاۋ ماسەلەسىنە باسا نازار اۋدارۋدى جۇكتەدى.
"وكىنىشكە قاراي، ء"بىزدىڭ جۇمىسشىلارىمىز جۇمىس ىستەگىسى كەلمەيدى، ءتارتىپ ساقتامايدى" دەگەن پىكىرلەر دە جوق ەمەس", - دەدى توقاەۆ.
وتىرىس كەزىندە پرەزيدەنت تەڭىز كەن ورنىنداعى جاعداي تۋرالى وبلىس اكىمى نۇرلان نوعاەۆتان دا سۇرادى. اكىمنىڭ ايتۋىنشا، بۇگىندە ارنايى كوميسسيا قۇرىلعان. ءاربىر كاسىپورىننىڭ ۇسىنىسى نەگىزىندە ءتيىستى شارالار قولعا الىنادى. مەملەكەت باسشىسى بولسا، بۇل جاعدايدىڭ "بارىنە ساباق بولعانىن" جەتكىزدى.
"بولعان وقيعا بارىمىزگە ۇلكەن ساباق بولادى. بۇل قايتالانباۋى ءتيىس. مۇنداي وقيعا ءبىزدىڭ ەلىمىزدىڭ بەدەلىنە نۇقسان كەلتىرەدى. سوندىقتان بۇل ماسەلە بارلىق وڭىرگە، سونداي-اق، بارلىق مەملەكەتتىك ورگانعا، سولاردىڭ ىشىندە ەڭبەك جانە حالىقتى الەۋمەتتىك قورعاۋ، ەنەرگەتيكا، يندۋستريا جانە ينفراقۇرىلىمدىق دامۋ مينيسترلىگىنە، "سامۇرىق-قازىنا" ۇلتتىق قورىنا قاتىستى. بۇل – وتە ماڭىزدى ماسەلە. ونى ۇنەمى باقىلاۋدا ۇستاۋ كەرەك", - دەدى توقاەۆ.
