Toqaev Teŋız eldı mekenınde bolǧan jaǧdaidyŋ qaitalanuyna jol bermeu kerek ekenın aitty
Qazaqstannyŋ prezidentı Qasym-Jomart Toqaev şeteldık kompaniialarda jergılıktı mamandarǧa laiyqty jalaqy töleu mäselesın köterdı, dep habarlaidy Sputnik Qazaqstan tılşısı.
"Men Atyrauda jergılıktı jäne şeteldık jūmysşylarǧa laiyqty jalaqy tölep, ädılettılıktı saqtaudy tapsyrdym. Ükımetke osy mäselenıŋ anyq-qanyǧyna jetıp, şeşudı tapsyramyn. Asqar Ūzaqbaiūly ükımet basşysy - Sputnik Qazaqstan), osy jaǧdaidy egjei-tegjeilı zertteŋız. Sonyŋ ışınde jūmysşylardyŋ eŋbek jaǧdaiy men jalaqysyna bailanysty saraptama jasaŋyz. Eger investorlarmen jasalǧan kelısımşarttarǧa özgertuler engızu qajet bolsa, būl mäselenı kün tärtıbıne qoiu qajet. Ärine, būl – oŋai şarua emes, mūny tüsınemın", - dedı Toqaev ükımettıŋ keŋeitılgen otyrysynda.
Prezidenttıŋ aituynşa, barlyq memlekettık organnyŋ basty mındetı – ūlttyq müddenı qorǧau. Būdan bölek, memleket basşysy otandyq mamandardyŋ käsıbi daiyndyǧyna jäne eŋbek tärtıbın saqtau mäselesıne basa nazar audarudy jüktedı.
"Ökınışke qarai, "bızdıŋ jūmysşylarymyz jūmys ıstegısı kelmeidı, tärtıp saqtamaidy" degen pıkırler de joq emes", - dedı Toqaev.
Otyrys kezınde prezident Teŋız ken ornyndaǧy jaǧdai turaly oblys äkımı Nūrlan Noǧaevtan da sūrady. Äkımnıŋ aituynşa, bügınde arnaiy komissiia qūrylǧan. Ärbır käsıporynnyŋ ūsynysy negızınde tiıstı şaralar qolǧa alynady. Memleket basşysy bolsa, būl jaǧdaidyŋ "bärıne sabaq bolǧanyn" jetkızdı.
"Bolǧan oqiǧa bärımızge ülken sabaq bolady. Būl qaitalanbauy tiıs. Mūndai oqiǧa bızdıŋ elımızdıŋ bedelıne nūqsan keltıredı. Sondyqtan būl mäsele barlyq öŋırge, sondai-aq, barlyq memlekettık organǧa, solardyŋ ışınde eŋbek jäne halyqty äleumettık qorǧau, energetika, industriia jäne infraqūrylymdyq damu ministrlıgıne, "Samūryq-Qazyna" ūlttyq qoryna qatysty. Būl – öte maŋyzdy mäsele. Ony ünemı baqylauda ūstau kerek", - dedı Toqaev.
