جەلىدە كاسپي تەڭىزىنە باتىپ كەتكەن ەسكى كەمەنىڭ قاڭقاسى تابىلعانىن ايتقان ۆيدەو تارادى. پايدالانۋشىلار ونى سىرتقى تۇرىنە بايلانىستى «ەلەس كەمەسى» دەپ اتاۋدا، - دەپ حابارلايدى "ادىرنا" ۇلتتىق پورتالى Lada.kz سايتىنا سىلتەمە جاساپ.
الەۋمەتتىك جەلىلەردە تەڭىزگە باتقان ەسكى كەمە بەينەلەنگەن ۆيدەولار جاريالانۋدا. كادرلاردان كەمەنىڭ قانشالىقتى توت باسقانى انىق كورىنەدى. بەينەجازبا اۆتورى بۇل ەكىنشى دۇنيەجۇزىلىك سوعىستان قالعان ايگىلى كەمەنىڭ قازىر ءشىرىپ، قيراپ جاتقانىن ايتادى.
«باسپالداقتارى ءشىرىپ كەتكەن، قوزعالتقىشتاردىڭ قوسالقى بولشەكتەرى قالعان. قاراشى، قازىرگى كەمەلەر سياقتى جاسالماعان. مۇلدە باسقاشا دانەكەرلەنگەن»، - دەيدى كادردىڭ ار جاعىنداعى ادام.
ارداگەر تەڭىزشىلەردىڭ سوزىنشە «SSI Aktau» سۇڭگۋىر ورتالىعىنىڭ ديرەكتورى ولەگ موروزوۆ بۇل جايتتى راستادى. سونداي-اق ول كاسپي تەڭىزىندە كەمە زيراتىنىڭ بار ەكەنىن ايتتى.
«ول جەردە بۇرىن كسرو كەزىندە پوليگونى بولعان. پايدالانۋدان شىعارىلعان كەمەلەرگە زىمىراندار اتىلدى. سودان براكونەرلەر سول جەردە شەكاراشىلاردان جاسىرىنعان. بىزدە ءتىپتى 1881 جىلى جاسالعان اعايىندى نوبەلدەر داۋىرىنەن قالعان سۋعا باتقان پاروحودىمىز بار»، – دەدى ولەگ موروزوۆ.
