«الاش» قوزعالىسىنىڭ كوسەمى ءاليحان بوكەيحان تۋرالى تولىقمەتراجدى كوركەم فيلم تۇسىرىلەدى. بۇل تۋرالى قازاقستاندىق كينورەجيسسيور مۇرات بيدوسوۆ ايتتى، دەپ حابارلايدى «ادىرنا» ءتىلشىسى.
«ءاليحان» تولىقمەتراجدى ءفيلمى! بۇعان دەيىن «تار زامان» تاريحي سەريالىن تۇسىرگەنىمىز كورەرمەننىڭ ەسىندە بولار. وسى سەريالدى قولعا العان كەزدە كوپتەگەن تاريحي دەرەكتەر مەن ماعۇلىماتتار جينادىق. شىنى كەرەك، بۇل دەرەكتەر ءبىراز فيلمگە ازىق بولارلىق دۇنيەلەر ەكەنىن سول كەزدىڭ وزىندە اڭعارعان بولاتىنبىز. ەندى «ءاليحان» تولىقمەتراجدى ءفيلمىنىڭ ستسەناريىن جازىپ ءبىتىرىپ، تۇسىرىلىمگە دايىندىق جۇمىسىنا قىزۋ كىرىسىپ كەتتىك. جوباعا كاسىبي تاريحشىلار تارتىلىپ،ولاردىڭ تالعام-تارازىسىنان، سۇزگىسىنەن ءوتتى. وسى كارتينانى جۇزەگە اسىرۋعا ايانباي قول ۇشىن سوزعان ازاماتتارعا مىڭ العىس!»—دەدى ول.
ايتا كەتەيىك، وتكەن جىلى «ءاليحان بوكەيحان – ۇلت ازاتتىق كۇرەسكەرى» اتتى تانىمدىق-دەرەكتى ءفيلمىن كورەرمەن نازارىنا ۇسىنىلعان ەدى.
