«Alash» qozǵalysynyń kósemi Álıhan Bókeıhan týraly tolyqmetrajdy kórkem fılm túsiriledi. Bul týraly qazaqstandyq kınorejıssıor Murat Bıdosov aıtty, dep habarlaıdy «Adyrna» tilshisi.
«Álıhan» tolyqmetrajdy fılmi! Buǵan deıin «Tar zaman» tarıhı serıalyn túsirgenimiz kórermenniń esinde bolar. Osy serıaldy qolǵa alǵan kezde kóptegen tarıhı derekter men maǵulymattar jınadyq. Shyny kerek, bul derekter biraz fılmge azyq bolarlyq dúnıeler ekenin sol kezdiń ózinde ańǵarǵan bolatynbyz. Endi «Álıhan» tolyqmetrajdy fılminiń senarııin jazyp bitirip, túsirilimge daıyndyq jumysyna qyzý kirisip kettik. Jobaǵa kásibı tarıhshylar tartylyp,olardyń talǵam-tarazysynan, súzgisinen ótti. Osy kartınany júzege asyrýǵa aıanbaı qol ushyn sozǵan azamattarǵa myń alǵys!»—dedi ol.
Aıta keteıik, ótken jyly «Álıhan Bókeıhan – ult azattyq kúreskeri» atty tanymdyq-derekti fılmin kórermen nazaryna usynylǵan edi.
