ءتۇرلى جانرداعى فيلمدەر قاراۋ كوبىمىزدىڭ ءحوببيىمىز. ەندەشە "ادىرنا" ءتىلشىسى ءسىزدىڭ نازارىڭىزعا ءسىز كورۋگە مىندەتتى، ءارى ۇناۋى ءتيىس 2021 جىلعى سۋ جاڭا فيلمدەردى ۇسىنادى.
- "مالكولم جانە ماري" (مالكولم ي ماري)
ەل: اقش
جانر: دراما/مەلودراما
ۇزاقتىعى: 1 ساع. 45 مين.
جاس رەجيسسەر مالكولم مەن ونىڭ سۇيىكتىسى ماري ءوزىنىڭ دەبيۋتتىك ءفيلمىنىڭ پرەمەراسىنان كەيىن ۇيگە قايتادى. مالكولم قۋانىشتى جانە سىني رەاكتسيالاردى اسىعا كۇتەدى، ال ماري ونى ءوزىنىڭ العىس سوزىندە ول تۋرالى ايتپاعانى ءۇشىن رەنجۋلى بولادى. ءوزارا ايىپتاۋلار مەن ماحابباتقا تولى كورىنىستەر ورىن الادى.
2. "ماۆريتاندىق" (ماۆريتانەتس)
ەل: ۇلىبريتانيا/اقش
جانر: بيوگرافيا، دراما، تريللەر
ۇزاقتىعى: 2 ساع. 10 مين.
رەسمي ايىپتار مەن سوتتا قورعانۋ مۇمكىندىگىنە يە بولماعان موحاممەد وۋلد سلاحي گۋانتانامو تۇرمەسىندە 6 جىلدان استام ۋاقىت وتكىزدى. وسىدان كەيىن عانا وعان ادۆوكات جالداۋ قۇقىعى بەرىلدى. بىراق ۇكىمەت ماشيناسىنا قارسى كۇرەستە ولارعا جەكە كۇماندەردى دە جەڭۋگە تۋرا كەلەدى. ادىلەتسىزدىكپەن كۇرەسكەن جاننىڭ وقيعاسى ءسىزدى ءتانتى ەتەرى ءسوزسىز.
3. "بولاشاق سوعىسى" (ۆوينا بۋدۋششەگو)
ەل: اقش
جانر: فانتاستيكا، بوەۆيك
ۇزاقتىعى: 2 ساع. 18 مين.
2022 جىلعى جەلتوقسان. كاتاردا وتكەن الەم چەمپيوناتىنىڭ فينالى كەزىندە بولاشاق اسكەرلەر الاڭعا قونادى. كەلگەندەر 30 جىلدان كەيىن جەر بوتەن شاپقىنشىلىققا ۇشىرايتىنىن، ال ەگەر قازىرگى ادامدار بولاشاق ادامدارعا كومەكتەسپەسە، وندا ادامزات جويىلاتىنىن مالىمدەيدى. ازاماتتاردى سوعىسقا ماجبۇرلەپ جىبەرۋ وسىلاي باستالادى، ونىمەن ادامداردىڭ 30% عانا قايتارىلادى.
ءبىراز ۋاقىتتان كەيىن دەنگە كەزەك كەلەدى - بۇرىنعى اسكەري ادام، ەندى مەكتەپ مۇعالىمى جانە قامقور اكە. قىسقا بريفينگتەن كەيىن ونىڭ توبى ميسسياعا جىبەرىلەدى، بىراق تەحنيكالىق قاتەلىكتىڭ سەبەبىنەن قونۋ دۇرىس ەمەس جەردە - جاقىندا بومبالاناتىن اپاتتى قالاداعى ءۇيدىڭ توبەسىندە ورىن الادى.
4."تىنىش جەر 2" (تيحوە مەستو 2)
ەل: اقش
جانر: قورقىنىشتى تريللەر
ۇزاقتىعى: 1 ساع. 37 مين.
دىبىس اڭشىلارى جەرگە شابۋىل جاساعاننان 474 كۇن وتكەن سوڭ، ەببوتت وتباسى تولىق ءۇنسىز ءومىر ءۇشىن كۇرەسىن جالعاستىرۋدا. ءوز ۇيىندە ءولىم قاۋپىمەن بەتپە -بەت كەلگەن ولار سىرتقى الەمگە بارۋعا ءماجبۇر بولادى، وندا ءبىر جەردى پانالايدى جانە وتباسىنىڭ ەسكى تانىسىن تابادى. راديو سيگنالدى ۇستاي وتىرىپ، رەگان امان قالعان كولونيانىڭ ورنىن ەسەپتەيدى جانە ونى بارلىق جولمەن تابۋعا شەشىم قابىلدايدى.
"ادىرنا" ۇلتتىق پورتالى
