فوتو: قازينفورم
استانادا Astana AI Film Festival اياقتالدى. قازاقستاندا العاش رەت وتكەن فەستيۆالگە 125 ەلدەن 8 067 ءوتىنىم ءتۇسىپ، ءوتىنىم سانى بويىنشا جاساندى ينتەللەكت كومەگىمەن جاسالعان فيلمدەردىڭ الەمدەگى ەڭ ءىرى حالىقارالىق بايقاۋىنا اينالدى.
جوباعا مەملەكەت باسشىسى قولداۋ كورسەتتى. قاسىم-جومارت توقاەۆ فەستيۆالدىڭ اشىلۋىندا ءسوز سويلەپ، جاساندى ينتەللەكت تالانتتى ادامدار مەن كرەاتيۆتى يندۋستريالاردى دامىتۋعا جاڭا مۇمكىندىكتەر اشاتىنىن اتاپ ءوتتى.
بيزنەستىڭ قولداۋى ناقتى قارجىلىق سيپات الدى: Freedom Holding Corp. جانىنداعى «Freedom شاپاعات» كورپوراتيۆتىك قورى جەڭىمپازداردى ماراپاتتاۋعا 1 ملن دوللار ءبولدى. تاعى 1 ملن دوللار پەرسپەكتيۆالى AI-كوماندالارعا ينۆەستيتسيا سالۋعا جانە قازاقستانداعى ءوندىرىستى دامىتۋعا قاراستىرىلعان.
ەلىمىز ءۇشىن فەستيۆالدىڭ ماڭىزى كينو كورسەتىلىمدەرىمەن عانا شەكتەلمەيدى. بۇل — اۆتورلار مەن ينۆەستيتسيا تارتۋعا، جەرگىلىكتى كوماندالاردى دامىتۋعا جانە تسيفرلىق تەحنولوگيالاردى جاڭا شىعارماشىلىق جوبالارعا اينالدىرۋعا مۇمكىندىك. ۇيىمداستىرۋشىلار قاتىسۋشىلاردى ودان ءارى قولداۋدى قازاقستاندا كومپانيا تىركەۋ جانە Astana Hub-قا قاتىسۋمەن بايلانىستىرادى.
قازاقستاندىق اۆتورلار دا ناتيجەسىن كورسەتتى: مىرزاحان جۇماحان «It Was Just a Joke» كومەدياسىنداعى ۇزدىك كەيىپكەر ءۇشىن ماراپاتقا يە بولدى. گران-پري مەن 450 مىڭ دوللار لاتۆيادان كەلگەن Nikolay Shestak-قا «The First Honest Day» ءفيلمى ءۇشىن بەرىلدى.
ەندىگى مىندەت — فەستيۆالگە دەگەن قىزىعۋشىلىقتى قازاقستاننىڭ ىشىندەگى تۇراقتى يندۋسترياعا اينالدىرۋ.
