Foto: Qazinform
Astanada Astana AI Film Festival aiaqtaldy. Qazaqstanda alǧaş ret ötken festivalge 125 elden 8 067 ötınım tüsıp, ötınım sany boiynşa jasandy intellekt kömegımen jasalǧan filmderdıŋ älemdegı eŋ ırı halyqaralyq baiqauyna ainaldy.
Jobaǧa Memleket basşysy qoldau körsettı. Qasym-Jomart Toqaev festivaldıŋ aşyluynda söz söilep, jasandy intellekt talantty adamdar men kreativtı industriialardy damytuǧa jaŋa mümkındıkter aşatynyn atap öttı.
Biznestıŋ qoldauy naqty qarjylyq sipat aldy: Freedom Holding Corp. janyndaǧy «Freedom Şapaǧat» korporativtık qory jeŋımpazdardy marapattauǧa 1 mln dollar böldı. Taǧy 1 mln dollar perspektivaly AI-komandalarǧa investisiia saluǧa jäne Qazaqstandaǧy öndırıstı damytuǧa qarastyrylǧan.
Elımız üşın festivaldıŋ maŋyzy kino körsetılımderımen ǧana şektelmeidı. Būl — avtorlar men investisiia tartuǧa, jergılıktı komandalardy damytuǧa jäne sifrlyq tehnologiialardy jaŋa şyǧarmaşylyq jobalarǧa ainaldyruǧa mümkındık. Ūiymdastyruşylar qatysuşylardy odan ärı qoldaudy Qazaqstanda kompaniia tırkeu jäne Astana Hub-qa qatysumen bailanystyrady.
Qazaqstandyq avtorlar da nätijesın körsettı: Myrzahan Jūmahan «It Was Just a Joke» komediiasyndaǧy üzdık keiıpker üşın marapatqa ie boldy. Gran-pri men 450 myŋ dollar Latviiadan kelgen Nikolay Shestak-qa «The First Honest Day» filmı üşın berıldı.
Endıgı mındet — festivalge degen qyzyǧuşylyqty Qazaqstannyŋ ışındegı tūraqty industriiaǧa ainaldyru.
