Qazaqstannyŋ Oskar komitetı rejisser Elzat Eskendırdıŋ «Äbıl» filmın 2027 jyly ötetın 99-şy Academy Awards («Oskar») syilyǧyna Qazaqstan atynan ūsynu turaly şeşım qabyldady. Kartina Best International Feature Film («Üzdık halyqaralyq tolyqmetrajdy film») sanatynda el namysyn qorǧaidy.
Qazaqstannyŋ Oskar komitetı elımızdıŋ tört käsıbi qoǧamdyq ūiymynyŋ – Qazaqstan kinogerler odaǧynyŋ, Ūlttyq kino önerı jäne ǧylymdary akademiiasynyŋ, Qazaqstan kinematografister ligasynyŋ jäne Qazaqstan kinosynşylar qauymdastyǧynyŋ ökılderınen qūralǧan. Komitet şeşımı baiqauǧa ötınım bergen filmderdı qarau qorytyndysy boiynşa qabyldandy.
«Äbıl» filmınıŋ oqiǧasy 1993 jyly, Keŋes Odaǧy ydyraǧannan keiın Qazaqstanda jürıp jatqan äleumettık jäne ekonomikalyq özgerıster kezeŋınde örbidı. Basty keiıpker Äbıl – bükıl ǧūmyryn kolhozda eŋbek etken şopan. Şaruaşylyqtyŋ taratylyp, jekeşelendıru üderısınıŋ bastaluy onyŋ qalyptasqan ömır saltyn tübegeilı özgertedı.
Jyldar boiǧy eŋbegınıŋ öteuı retınde özıne tiesılı ülesın aluǧa ümıttengen Äbıl jaŋa qoǧamdyq şyndyqpen betpe-bet keledı. Ol özgergen zaman jaǧdaiynda öz qūqyǧy men adamdyq qadır-qasietın qorǧauǧa mäjbür bolady.
Film qarapaiym adamnyŋ taǧdyry arqyly Qazaqstan tarihyndaǧy kürdelı kezeŋderdıŋ bırın – keŋestık jüienıŋ ydyrap, jaŋa ekonomikalyq jäne qoǧamdyq qatynastar qalyptasqan uaqytty körsetedı. Äbıldıŋ oqiǧasy ädılet, adamdyq qadır-qasiet, otbasy jäne ömırlık taŋdau taqyryptaryn qozǧaidy.
Filmdegı basty röldı akter Erlan Töleutai somdaǧan. Ssenarii avtory ärı qoiuşy rejisser – Elzat Eskendır. Qoiuşy operatory – polşalyq kinooperator Iolanta Dylevska.
Qazaqstan Oskar komitetınıŋ töraǧasy, rejisser Daniiar Salamattyŋ aituynşa, «Äbıl» körkemdık şeşımı men şynaiylyǧymen erekşelenedı. Onyŋ pıkırınşe, film Qazaqstan körermenderınıŋ yqylasyna ie bolumen qatar, halyqaralyq kinofestivalderde de öz deŋgeiın türlı jüldelermen däleldegen.
«Äbıldıŋ» halyqaralyq festivalderdegı joly da nätijelı boldy. Filmnıŋ älemdık premerasy Busan International Film Festival festivalınde öttı. Keiın kartina Aziia men Europanyŋ bırqatar halyqaralyq kinofestivalderıne qatysyp, bırneşe marapatqa ie boldy.
Fransiiadaǧy Vesoul International Film Festival of Asian Cinemas festivalınde film Grand Jury Award, Critics’ Jury Prize jäne NETPAC Jury Prize atty üş jüldenı ielendı. Erlan Töleutai Bishkek International Film Festival jäne Silk Road International Film Festival festivalderınde üzdık er adam rölı atalymy boiynşa marapattaldy. Sonymen qatar «Äbıl» Danang pen Dakkada ötken halyqaralyq kinofestivalderde de jüldege ie boldy.
Qazaqstan Oskar komitetınıŋ müşesı, kinotanuşy Dana Ämırbek filmnıŋ akterlık jäne vizualdyq şeşımderıne joǧary baǧa berdı. Onyŋ aituynşa, Erlan Töleutai keiıpkerdıŋ ışkı küiın äsıreleusız ärı tabiǧi jetkızse, Iolanta Dylevskanyŋ operatorlyq jūmysy filmnıŋ baiypty rejissurasymen üilesım tapqan.
«Äbıl» Qazaqstan Respublikasy Mädeniet jäne aqparat ministrlıgı men Ūlttyq kinony qoldau memlekettık ortalyǧynyŋ qoldauymen Şäken Aimanov atyndaǧy «Qazaqfilm» ūlttyq kinostudiiasynyŋ bazasynda tüsırılgen. Film 2026 jyldyŋ mausym aiynda Qazaqstan kinoteatrlarynda keŋ prokatqa şyqty.
Endı «Äbıl» 99-şy Academy Awards syilyǧynyŋ Best International Feature Film sanatynda Qazaqstan atynan ūsynylǧan film retınde baiqaudyŋ kelesı kezeŋderıne qatysady.
Filmnıŋ «Oskar» bäigesınıŋ kelesı kezeŋderıne ötuı jäne nominasiiaǧa enuı turaly tüpkılıktı şeşımdı Amerika kino önerı jäne ǧylymdary akademiiasy qoldanystaǧy erejelerge säikes qabyldaidy.
