Astanada ótip jatqan VI Nobel Fest halyqaralyq festıvali aıasynda QR Ulttyq sport qaýymdastyǵynyń prezıdenti Islambek Saljanov álemge áıgili avto-dızaıner Frenk Stıvensonǵa «Alaman báıge» kartınasyn syıǵa tartty, dep habarlaıdy «Adyrna» ulttyq portaly.
Kartına avtory – otandyq sýretshi Erlan Aıtýarov.
Islambek Saljanovtyń sózinshe, syılyq kezdeısoq tańdalmaǵan.
«5 myń jyl buryn ata-babamyz, ıaǵnı kóshpendi jylqy janýaryn birinshi bolyp erttep minip, búkil adamzat órkenıetinde serpilis jasady. Mine, osy sátten bastap jylqy eń jyldam ári negizgi kólik quralyna aınaldy. Bul – tarıhtyń baǵytyn ózgertti. Jylqyny alǵash qolǵa úıretken – qazaq dalasy. Siz dızaınyn jasaǵan Ferrari kóliginde at beınelengen emblema bar. Sizge tartý etken kartınada Alaman báıge beınelengen. Ol – qazaqtyń ulttyq at jarysy. Birneshe márte chempıon bolǵan Formýla-1 sııaqty temir tulpar jarysynyń bastaýynda osy alaman báıge tur dep aıtýǵa bolady. Sizdi 2024 jyly qyrkúıekte Astanada ótetin V Dúnıejúzilik kóshpendiler oıyndaryna shaqyramyn», - dep túıindedi sózin Islambek Saljanov.
Al ózine syılanǵan syılyqty Frenk Stıvenson joǵary baǵalaıtynyn, zamanaýı shyǵarmashylyqty shabyttandyrýda tarıhtyń mańyzdy ekenin aıtty. Dızaıner Islambek Saljanovqa óner týyndysy men V Dúnıejúzilik kóshpendiler oıyndaryna shaqyrǵany úshin alǵysyn bildirdi.
Aıta ketsek, Islambek Saljanov – qazaqstandyq kásipker, meenat, Qazaqstan ulttyq sport qaýymdastyǵynyń prezıdenti. Al Frenk Stıvenson – Ferrari F430, Ford RS Cosworth, BMW X5, jańa MINI, Maserati MC12, Fiat 500, McLaren avtomobılderiniń álemge áıgili dızaıneri.
«Adyrna» ulttyq portaly
