Qarqaralynyŋ qymyzy elımız boiynşa eŋ üzdık dep tanyldy. BaiQymyz-2026 festivalınde audannyŋ qymyz öndıruşılerı ekı bırdei jüldenı ielendı: bas jülde jäne ekınşı oryn. Jeŋıs üşın Qaraǧandy oblysy men Qazaqstannyŋ özge öŋırlerınen kelgen 37 şaruaşylyq baq synady.
Finalǧa deiın qatysuşylar qataŋ ırıkteuden öttı: mamandar susynnyŋ sapasyn zerthanalarda tekserıp, şaruaşylyqtardyŋ jūmysyn baǧalady.
Jeŋımpazdardy ǧalymdar, qoǧam jäne mädeniet qairatkerlerınen qūralǧan qazylar alqasy anyqtady.
Sonymen qatar, festival qonaqtary da özderıne ūnaǧan qymyzǧa dauys beru mümkındıgıne ie boldy.
«Eŋ üzdık qymyz» ataǧy men 5 million teŋgelık sertifikat Qarqaraly audany Aqterek auylynyŋ ökılderı - JK Mūhamed-Älidıŋ «Qarqaraly Aqterek» brendıne būiyrdy.
— Eŋbegımız aqtaldy. Qymyz öndırumen ata-anam ainalysqan, bız sol joldy 17 jyldan berı otbasymyzben jalǧastyryp kelemız. Bastaǧan kezde bır ǧana biemız bolǧan edı. BaiQymyz — öte keremet joba. Būl tek alǧaşqy qadam dep oilaimyn. Aldaǧy josparymyz — halyqaralyq naryqqa şyǧu, - dedı jeŋımpaz Būrhan Joltaev.
Ekınşı oryndy jäne 3 million teŋgenı Qarqaraly audany Toqpan auylynan «Toqpan qymyzy» brendı ielendı.
Üşınşı oryn Ūlytau oblysynan kelgen «Jaŋaarqa qymyzy» brendıne būiyryp, 1,5 million teŋge tabystaldy.
Sonymen qatar, arnaiy nominasiialar boiynşa da jeŋımpazdar anyqtaldy.
Festivalge 30 tonna qymyz äkelındı.
Qonaqtar ūlttyq susynnyŋ türlı türlerın tegın tatyp körıp, özderıne ūnaǧanyna dauys bere aldy.
Sondai-aq, festival aiasynda etnoauyldar jūmys ıstep, ūlttyq sport türlerınen jarystar, qolönerşıler körmelerı jäne ülken konserttık baǧdarlama ūiymdastyryldy.
Dodalar arasynda tazy jarystary körermenderdıŋ erekşe qyzyǧuşylyǧyn tudyrdy. Jarysqa Pavlodar, Aqmola jäne Qaraǧandy oblystarynan, sondai-aq Astanadan kelgen eŋ jüirık ärı tözımdı 25 tazy qatysty.
Bas jüldenı Aqmola oblysynan kelgen Aqqūs atty tazy jeŋıp aldy. Ekı jastaǧy ittıŋ bırneşe jetıstıgı men marapattary bar.
— Tazy ösırumen būryn äkem ainalysqan, sol kısıden jäne tuystarymnan osy süiıspenşılık daryǧan. Menıŋ tazym öte aqyldy ärı jyldam. Būl jarysqa jeŋıske jetemın degen nietpen keldım. Bärı oidaǧydai boldy, bäseke öte küştı boldy, - dedı tazy iesı Bırlık Uäliev.
Festival qazaqtyŋ dästürı, qonaqjailyǧy men ūlttyq mädenietınıŋ naǧyz merekesıne ainaldy. Bır künnıŋ ışınde ony 20 myŋnan astam adam tamaşalady.
Keluşıler sanynyŋ köp boluyna bailanysty Qaraǧandydan arnaiy tegın avtobustar sany törtten altyǧa deiın köbeitıldı.
Biyldan bastap BaiQymyz festivalı respublikalyq mädeni-turistık ıs-şaralar küntızbesıne engızılıp, jyl saiyn ötkızılmek.
