2026 jylǧy 13 nauryzda Qaraǧandy qalasyndaǧy «Jastar» sport keşenınde Halyqaralyq volonterler jylyna arnalǧan volonterler forumynyŋ saltanatty jabylu räsımı öttı. Auqymdy şaraǧa Qaraǧandy oblysynan 6 myŋǧa juyq adam qatysty. Olardyŋ qatarynda volonterlık ūiymdardyŋ ökılderı, belsendı jastar, qoǧam qairatkerlerı jäne äleumettık jobalardyŋ bastamaşylary boldy.
Forum erıktıler qozǧalysynyŋ qoǧam damuyndaǧy rölın talqylauǧa, pıkır almasuǧa jäne jaŋa ideialar ūsynuǧa mümkındık bergen maŋyzdy dialog alaŋyna ainaldy.
Is-şaraǧa qatysqan Qaraǧandy oblysynyŋ jastary Ata Zaŋda körınıs tapqan negızgı qaǧidattardy qoldaitynyn bıldırdı. Atap aitqanda, adami kapitaldy damytu, otbasy men äleumettık bastamalardy qoldau, jeke menşık qūqyǧyn qorǧau jäne jastardyŋ äleuetın aşuǧa baǧyttalǧan ideialar jastar tarapynan keŋ qoldau tapty.
Sondai-aq spikerler jaŋa Konstitusiiada qoǧam ömırınıŋ maŋyzdy bölıgı retınde volonterlık qyzmet pen qaiyrymdylyqty damytuǧa erekşe män berdı.
Forum qatysuşylarynyŋ aituynşa, bügıngı taŋda volonterlık – tek qaiyrymdylyq aksiialaryna qatysu ǧana emes. Būl – el taǧdyryna jauapkerşılıkpen qaraityn azamattardyŋ jaŋa buyny qalyptasatyn azamattyq kemeldık mektebı.
Sondyqtan qaraǧandylyq jastar aldaǧy referendumdy memlekettıŋ damuy jolyndaǧy maŋyzdy qadam retınde qarastyrady. Şara qatysuşylarynyŋ pıkırınşe, öz ūstanymyn bıldırıp, eldıŋ Ata Zaŋyn qabyldau üderısıne üles qosu – Qazaqstannyŋ bolaşaǧyna yqpal etudıŋ zor mümkındıgı.
Saltanatty räsım qazaqstandyq tanymal oryndauşylar Aiqyn men BAYANSULU qatysqan merekelık konserttık baǧdarlamamen aiaqtaldy.
Şara soŋynda öŋırdıŋ belsendı jastary azamattyq jauapkerşılık tanytyp, jalpyhalyqtyq referendumǧa qatysatynyn nyq senımmen aitty.
Olardyŋ aituynşa, el bolaşaǧy bügın qalyptasady. Sol sebeptı ärbır dauys maŋyzdy.
