Prezidenttıŋ Konstitusiialyq Sotqa joldaǧan sūrauy qoǧamda keŋ talqylanǧan mäselelerdıŋ bırıne ainaldy.
Memleket basşysy 1995 jylǧy Konstitusiia boiynşa memlekettık qyzmetke sailanǧan nemese taǧaiyndalǧan adamnyŋ jaŋa Konstitusiia qabyldanǧannan keiın sol qyzmetke qaita sailana nemese taǧaiyndala alatyny jönınde tüsındırme berudı sūraǧan bolatyn.
Būl mäselege qatysty Äset Qasenǧali pıkır bıldırdı. Onyŋ aituynşa, mūndai sūrau salu jaŋa Konstitusiia qabyldanǧannan keiın tuyndaityn qūqyqtyq mäselelerdı naqtylau maqsatynda jasalatyn qalypty konstitusiialyq räsım.
«Kez kelgen memlekette konstitusiialyq özgerıster qabyldanǧannan keiın memlekettık basqaru jüiesı jaŋa talaptarǧa beiımdeluı tiıs. Osyndai kezeŋde zaŋdardyŋ mazmūny tüsındırılıp jatady. Keide būl Konstitusiialyq Sotqa jügınu arqyly jüzege asady. Prezidenttıŋ sūrauy da osy tūrǧydan qarastyryluy kerek», – deidı sarapşy.
Äset Qasenǧalidyŋ sözınşe, jaŋa Konstitusiia küşıne engennen keiın būrynǧy Konstitusiia aiasynda memlekettık lauazym atqarǧan tūlǧalardyŋ märtebesıne qatysty qūqyqtyq sūraqtar tuyndaǧan. Atap aitqanda, olardyŋ qyzmetın jalǧastyru nemese qaita taǧaiyndau tärtıbı jönınde resmi tüsındırmenıŋ qajettılıgı bolǧan.
Sarapşy mūndai mäsele bır ǧana memlekettık organǧa emes, sondai-aq Joǧarǧy sot, Bas prokuratura siiaqty konstitusiialyq lauazymdarǧa da qatysty ekenın atap öttı. Onyŋ pıkırınşe, belgılı bır qyzmetterdıŋ merzımıne jäne qaita taǧaiyndalu mümkındıgıne qatysty normalardy naqtylau qūqyqtyq tūrǧydan maŋyzdy
