Almatyda bank sektory men mikroqarjy ūiymdarynyŋ ökılderı qatysqan kezdesu bolyp öttı. Onda Qazaqstan Respublikasynyŋ jaŋa konstitusiiasy jobasynyŋ negızgı erejelerı talqylandy. Is-şaraǧa qatysuşylar aldaǧy referendumnyŋ maŋyzdylyǧyn atap ötıp, eldıŋ negızgı zaŋyn jaŋartudy bırauyzdan qoldaityndaryn bıldırdı.
Qazaqstan Respublikasy Qarjy naryǧyn retteu jäne damytu agenttıgınıŋ töraiymy Mädina Äbılqasymova qarjy sektory üşın tūraqty ärı boljamdy qūqyqtyq orta asa maŋyzdy ekenın atap öttı.
Onyŋ aituynşa, qarjy qauymdastyǧy ūsynylyp otyrǧan özgerısterdıŋ maŋyzyn jaqsy tüsınedı jäne memleket basşysy ūsynǧan reformalar baǧytyn, sondai-aq jaŋa konstitusiia jobasyn qoldaidy.
«Qarjy sektory üşın qūqyqtyq ortanyŋ tūraqty ärı boljamdy boluy öte maŋyzdy. Memleket basşysynyŋ bastamasymen Qazaqstanda jürgızılıp jatqan qolaily biznes-klimat, saiasi tūraqtylyq pen demokratiialyq reformalar osyndai investisiialyq ortany qalyptastyruǧa mümkındık berdı», — dedı Mädina Äbılqasymova.
Ol sondai-aq jürgızılıp jatqan reformalardyŋ nätijesı eldıŋ joǧary investisiialyq reitingterınen körınıs tauyp otyrǧanyna toqtaldy. Qazaqstan halyqaralyq ūiymdar men reitingtık agenttıkterdıŋ oŋ baǧasyn alyp keledı. Būl halyqaralyq investorlar men halyqtyŋ senımınıŋ joǧary ekenın körsetedı.
Qazaqstan qarjygerlerı qauymdastyǧy keŋesınıŋ töraiymy Elena Bahmutova kezdesuge qatysuşylardyŋ aldaǧy referendumdy talqylauǧa ülken qyzyǧuşylyq tanytqanyn aitty. Onyŋ sözınşe, jiynǧa jinalǧan adamdar belsendı türde sūraqtar qoiyp, ūsynylyp otyrǧan özgerısterge şynaiy qyzyǧuşylyq bıldırdı.
«Bügın bedeldı spikerler söz söilep, aldaǧy özgerıster turaly aityp berdı. Adamdardyŋ eldegı jaǧdaiǧa alaŋdaityny jäne ärı qarai qalai äreket etu kerektıgın tüsıngısı keletını baiqaldy», — dedı ol.
Elena Bahmutova mūndai kezdesuler azamattardyŋ belsendı azamattyq ūstanymyn qalyptastyruǧa yqpal etetının aitty. Onyŋ pıkırınşe, talqylauǧa qatysqandardyŋ köpşılıgı referendumǧa mındettı türde qatysady.
«Bız memleketımızdıŋ qūqyqtyq negızderı eleulı özgerıske ūşyraityn şaqta tūrmyz. Referendumnan keiın konstitusiialyq zaŋdarǧa jäne basqa da normativtık aktılerge özgerıs enedı», — dedı ol.
Öz kezegınde Qazaqstan mikroqarjy ūiymdary qauymdastyǧynyŋ töraǧasy Erbol Omarhanov qarjy sektory eldıŋ damuyna baǧyttalǧan bastamalardy qoldaitynyn aitty.
«Mikroqarjy ūiymdary qauymdastyǧy, jalpy qarjy sektory siiaqty, äleumettık, ädılettı ärı quatty Qazaqstandy damytuǧa baǧyttalǧan Prezident saiasatyn qoldaidy. Bız azamattarymyzdy jäne qarjy salasyndaǧy ärıptesterımızdı referendumǧa qatysyp, öz azamattyq ūstanymdaryn bıldıruge şaqyramyz», — dedı ol.
«Baǧaly qaǧazdardyŋ ortalyq depozitariiı» AQ basqaruşy direktory Ernst Muslimhanov azamattardyŋ referendumǧa qatysuy azamattyq ūstanymnyŋ maŋyzdy körınısı ekenın atap öttı.
Onyŋ aituynşa, bärı dauys beruge kelıp, öz pıkırın bıldıruı kerek.
«Ortalyq depozitarii referendumǧa qatysady. Men öz oi-pıkırımdı bıldırıp, dauys beruım kerek dep esepteimın», — dedı ol.
Ernst Muslimhanov sondai-aq spikerlermen ötken kezdesu paidaly bolǧanyn aitty. Sebebı qatysuşylar Konstitusiia jobasyn äzırleuge qatysqan mamandardan tıkelei tüsındırme alu mümkındıgıne ie boldy.
«Konstitusiia jobasyn äzırleudıŋ sebepterı turaly alǧaşqy derekközden estıp, būl özgerısterdıŋ Qazaqstanǧa jäne elımızdıŋ odan ärı damuyna qandai äser etetının tüsınu öte paidaly boldy», — dep qosty ol.
Kezdesu qorytyndysy boiynşa qatysuşylar referendum ötkızudı bırauyzdan qoldap, eldıŋ bolaşaǧyn aiqyndaityn şeşımderdı qabyldau barysynda azamattardyŋ belsene qatysqany asa maŋyzdy ekenın atap öttı.
