Taliban" qozǧalysynyŋ ökılderı (Qazaqstanda tyiym salynǧan ūiym - esk.) Auǧanstanda bilıktı qolyna alǧannan keiın alǧaş ret jetekşısı Haibatulla Ahundzadanyŋ suretın jariialady, - dep habarlaidy Sputnik Afganistan Telegram-kanaly.
"Bırqatar aqparat közı "Taliban" jetekşısın öldı dep eseptedı. Būl - ol turaly ūzaq uaqyt aqparat şyqpaǧannan bergı alǧaşqy suretı", - dep jazady Telegram-kanal."Taliban" köşbasşysynyŋ suretın alǧaş bolyp Twitter-de auǧan jurnalisı Muslim Şirzad jariialady. Ol jergılıktı saiasi şoluşy Nazar Mohammad Motmaenge sılteme jasady. Bıraq jelı qoldanuşylar būl suret ekı jyl būryn tüsırılgenın aityp jatyr. 29 tamyzda BAQ Ahundzada Auǧanstanǧa kelgenın habarlaǧan. Amerikalyq äskeriler Auǧanstan aumaǧynda bolǧan kezde, molda Päkıstanda jasyrynyp jürgen. Qazırgı uaqytta ol Kandagarda jäne "Talibannyŋ" basqa basşylarymen kezdesuler ötkızıp jatqany aitylady. Tälıpter Ahundzadany "Auǧanstan İslam Ämırlıgınıŋ" joǧarǧy basşysy dep ataidy. Bıraq Auǧanstannyŋ jaŋa basşysy taǧaiyndalǧany jäne bilık "Talibanǧa" auysqany turaly älı resmi deŋgeide habarlanǧan joq.
Ūqsas jaŋalyqtar
