بۇگىن — قازاق جازۋشىسى، دراماتۋرگ، قوعام قايراتكەرى. قازاقستاننىڭ ەڭبەك سىڭىرگەن قايراتكەرى (2002), قازاقستان رەسپۋبليكاسىنىڭ مەملەكەتتىك سىيلىعىنىڭ يەگەرى (2004) تولەن ابدىك دۇنيەگە كەلگەن كۇن. ول 1942 جىلى 4 قىركۇيەكتە قوستاناي وبلىسى جانگەلدى اۋدانى "ەڭبەك" اۋىلىندا تۋعان.
- 1965 جىلى ال-فارابي اتىنداعى قازاق ۇلتتىق ۋنيۆەرسيتەتى (بۇرىنعى كيروۆ اتىنداعى قازاق مەملەكەتتىك ۋنيۆەرسيتەتى)نىڭ فيلولوگيا فاكۋلتەتىن بىتىرگەن.
- 1965 - 1970 جىلدارى "قازاقستان پيونەرى" (قازىرگى "ۇلان") گازەتىندە ادەبي قىزمەتكەر، ءبولىم مەڭگەرۋشىسى بولىپ جۇمىس ىستەگەن.
- 1970 - 1977 جىلدارى "جالىن" الماناعىندا ءبولىم مەڭگەرۋشىسى، باس رەداكتوردىڭ ورىنباسارى.
- 1977 - 1979 جىلدارى "قازاقفيلم" كينوستۋدياسىندا باس رەداكتور.
- 1979 - 1990 جىلدارى قازاقستان كوممۋنيستىك پارتياسىنىڭ ورتالىق كوميتەتىندە جاۋاپتى قىزمەتتە بولدى.
- 1990 - 1992 جىلدارى "قازاق ادەبيەتى" گازەتىنىڭ باس رەداكتورى، قازاقستان جازۋشىلار وداعىنىڭ ەكىنشى حاتشىسى بولدى.
- 1993 جىلدان قازاقستان رەسپۋبليكاسى پرەزيدەنتى اكىمشىلىگىندە سەكتور مەڭگەرۋشىسى.
- 1997 جىلدان باستاپ قازاقستان رەسپۋبليكاسى پرەزيدەنتى اپپاراتىنىڭ ىشكى ساياسات ءبولىمى مەڭگەرۋشىسىنىڭ ءبىرىنشى ورىنباسارى.
شىعارمالارى:
تولەن ابدىكوۆتىڭ "رايحان" اتتى تۇڭعىش اڭگىمەسى جاس جازۋشىلاردىڭ “تاڭعى شىق” اڭگىمەلەر جيناعىندا (1964) جاريالاندى. ال سونان بەرگى كەزەڭدە “كوكجيەك” (1969), “كۇزگى جاپىراقتار” (1971), “اقيقات” (1974), “ايتىلماعان اقيقات” (1980) اتتى اڭگىمەلەر مەن پوۆەستەر جيناقتارى قازاقستانداعى ۇجىمداستىرۋ ناۋقانىنىڭ قاسىرەتىن سۋرەتتەۋگە ارنالعان ء“ولىارا” (1985), “اقشوقىدا قىس قاتتى” (1987) روماندارى، تاڭدامالى شىعارمالارىنىڭ ءبىر تومدىعى جارىق كوردى. ء“بىز ۇشەۋ ەدىك” اتتى دراما شىعارماسى ع.مۇسىرەپوۆ اتىنداعى جاستار جانە جاسوسپىرىمدەر تەاترىندا قويىلدى.
“اقيقات” اتتى كىتابى ورىس تىلىنە (1981), جەكەلەگەن اڭگىمە، پوۆەستەرى ۋكراين، وزبەك، قىرعىز تىلدەرىنە ءتارجىمالاندى. ابدىكوۆ شىعارمالارى ادام مىنەزىنىڭ قۇپيا سىرلارىنا ءۇڭىلۋى، ءومىردىڭ ءمان-ماعىناسىنا فيلوسوفيا تۇرعىدان قاراۋىمەن ەرەكشەلەنەدى.
ول 2002 جىلى پرەزيدەنت جارلىعىمەن "قازاقستاننىڭ ەڭبەك سىڭىرگەن قايراتكەرى" قۇرمەتتى اتاعىمەن ماراپاتتالدى.
2003 جىلى فرانتس كافكا اتىنداعى حالىقارالىق سىيلىعى جانە التىن مەدالى.
2004 جىلى قازاقستان رەسپۋبليكاسىنىڭ مەملەكەتتىك سىيلىعىنىڭ يەگەرى اتاندى.
قازاقستاننىڭ پەن كلۋبى سىيلىعىنىڭ يەگەرى.
2013 جىلى پرەزيدەنت جارلىعىمەن جوعارعى مەملەكەتتىك ماراپات پاراسات وردەنى بەرىلدى.
"ادىرنا" ۇلتتىق پورتالى
