Búgin — qazaq jazýshysy, dramatýrg, qoǵam qaıratkeri. Qazaqstannyń eńbek sińirgen qaıratkeri (2002), Qazaqstan Respýblıkasynyń Memlekettik syılyǵynyń ıegeri (2004) Tólen Ábdik dúnıege kelgen kún. Ol 1942 jyly 4 qyrkúıekte Qostanaı oblysy Jangeldi aýdany "Eńbek" aýylynda týǵan.
- 1965 jyly Ál-Farabı atyndaǵy Qazaq ulttyq ýnıversıteti (burynǵy Kırov atyndaǵy Qazaq memlekettik ýnıversıteti)niń fılologııa fakýltetin bitirgen.
- 1965 - 1970 jyldary "Qazaqstan pıoneri" (qazirgi "Ulan") gazetinde ádebı qyzmetker, bólim meńgerýshisi bolyp jumys istegen.
- 1970 - 1977 jyldary "Jalyn" almanaǵynda bólim meńgerýshisi, bas redaktordyń orynbasary.
- 1977 - 1979 jyldary "Qazaqfılm" kınostýdııasynda bas redaktor.
- 1979 - 1990 jyldary Qazaqstan Kommýnıstik partııasynyń ortalyq komıtetinde jaýapty qyzmette boldy.
- 1990 - 1992 jyldary "Qazaq ádebıeti" gazetiniń bas redaktory, Qazaqstan Jazýshylar odaǵynyń ekinshi hatshysy boldy.
- 1993 jyldan Qazaqstan Respýblıkasy Prezıdenti ákimshiliginde sektor meńgerýshisi.
- 1997 jyldan bastap Qazaqstan Respýblıkasy Prezıdenti apparatynyń ishki saıasat bólimi meńgerýshisiniń birinshi orynbasary.
Shyǵarmalary:
Tólen Ábdikovtiń "Raıhan" atty tuńǵysh áńgimesi jas jazýshylardyń “Tańǵy shyq” áńgimeler jınaǵynda (1964) jarııalandy. Al sonan bergi kezeńde “Kókjıek” (1969), “Kúzgi japyraqtar” (1971), “Aqıqat” (1974), “Aıtylmaǵan aqıqat” (1980) atty áńgimeler men povester jınaqtary Qazaqstandaǵy ujymdastyrý naýqanynyń qasiretin sýretteýge arnalǵan “Óliara” (1985), “Aqshoqyda qys qatty” (1987) romandary, tańdamaly shyǵarmalarynyń bir tomdyǵy jaryq kórdi. “Biz úsheý edik” atty drama shyǵarmasy Ǵ.Músirepov atyndaǵy Jastar jáne jasóspirimder teatrynda qoıyldy.
“Aqıqat” atty kitaby orys tiline (1981), jekelegen áńgime, povesteri ýkraın, ózbek, qyrǵyz tilderine tárjimalandy. Ábdikov shyǵarmalary adam mineziniń qupııa syrlaryna úńilýi, ómirdiń mán-maǵynasyna fılosofııa turǵydan qaraýymen erekshelenedi.
Ol 2002 jyly prezıdent jarlyǵymen "Qazaqstannyń eńbek sińirgen qaıratkeri" qurmetti ataǵymen marapattaldy.
2003 jyly Fran Kafka atyndaǵy halyqaralyq syılyǵy jáne altyn medali.
2004 jyly Qazaqstan Respýblıkasynyń Memlekettik syılyǵynyń ıegeri atandy.
Qazaqstannyń PEN klýby syılyǵynyń ıegeri.
2013 jyly prezıdent jarlyǵymen joǵarǵy memlekettik marapat Parasat ordeni berildi.
"Adyrna" ulttyq portaly
