Dzıýdodan Qazaqstan jastar quramasy Eýropa kýbogin alty medalmen aıaqtady

3608
Adyrna.kz Telegram
Foto: Olympic.kz
Foto: Olympic.kz

Qazaqstandyq jas dzıýdoshylar Eýropa kýboginen alty medal utyp aldy. Bul týraly Olympic.kz jarııalady, dep habarlaıdy “Adyrna” ulttyq portaly.

Avstrııanyń Gra qalasynda dzıýdodan jastar arasynda Eýropa kýbogi ótti. Qazaqstan jastar quramasy atalǵan dodany eki altyn, eki kúmis jáne eki qola medalmen aıaqtady.

Atap aıtqanda, jastar uldar quramasynan 60 kelide Nurqanat Serikbaev, 66 kelide Nursultan Zaızaǵalıev jarysta qarsylas shaq keltirgen joq. 60 kelide Mereı Marhanbetov pen qyzdar arasynda 78 keliden joǵary salmaqta beldesken Aıda Toıshybekova Eýropa kýboginiń kúmis júldesine ıe boldy.

Al uldar arasynda 81 kelide tatamıge shyqqan Maksım Meıirlan men qyzdar arasynda 63 kelide baq synaǵan Esmıgúl Kýıýlova qorjyndy qos qolamen tolyqtyrdy.

Nátıjesinde, Qazaqstan jastar quramasy Avstrııada ótken Eýropa kýbogin jalpykomandalyq esepte Japonııadan keıingi ekinshi orynǵa turaqtady.

Aıta keteıik, Qazaqstan jastar uldar quramasyn aǵa jattyqtyrýshylar Azamat Muqanov men Aıbek Imashev jattyqtyrsa, qyzdar komandasyn Arsen Hatıp pen Nurbek Myqtybekov baptap bardy.

“Adyrna” ulttyq portaly

Pikirler