Halyqaralyq boks qaýymdastyǵy (IBA) barlyq salmaq dárejesindegi boksshylardyń reıtıngin jańartty. Qazaqstan 48100 upaımen birinshi orynǵa jaıǵasty, dep habarlaıdy “Adyrna” ulttyq portaly.
Ekinshi oryndy Ózbekstan (37600), úshinshi oryndy Úndistan (36300) ıelendi. Alǵashqy bestikte AQSh pen Túrkııa bar.
IBA saıtynda qazaqstandyq Sáken Nurlan, Saparbaı Bıbosynov, Qamshybek Qońqabaev, Nurbek pen Aıbek Oralbaı, Serik Temirjanov, Saǵyndyq Toǵambaı, Aslanbek Shymbergenovtyń jáne taǵy basqa boksshylardyń aty atalǵan.
Tizimdegi sońǵy oryndarda Soltústik Makedonııa (100 upaı), Shrı-Lanka (100) jáne Islandııa (50) tur. Reıtıngige barlyǵy 135 memleket engen.
TMD elderinen Ýkraına 12-shi, Armenııa 14-shi, Reseı 15-shi, Qyrǵyzstan 38-shi orynda.
Aıta keteıik, IBA reıtıngi barlyq 17 salmaq dárejesin qamtıdy.
