QR Prezidentı janyndaǧy Ortalyq kommunikasiialar qyzmetınıŋ qūrylymynda Dezinformasiiaǧa qarsy ıs-qimyl ortalyǧy öz jūmysyn bastaidy, dep habarlaidy “Adyrna” Kazinform agenttıgıne sıltep.
Jaŋa qūrylym azamattardyŋ şynaiy aqparat alu qūqyǧyn qamtamasyz etudegı maŋyzdy buynǧa ainalady.
Ortalyqtyŋ negızgı mındetterı:
- jalǧan aqparatty anyqtau jäne terıske şyǧaru;
- azamattardy maŋyzdy taqyryptar boiynşa obektivtı, tekserılgen derektermen qamtamasyz etu;
- aqparatty jauapkerşılıkpen tūtynu mädenietın damytu.
Aqparattyŋ şamadan tys köptıgı jaǧdaiynda şyndyq pen ädeiı būrmalanǧan mälımetterdı ajyrata bılu erekşe maŋyzdy. Jaŋa Ortalyq aqparat aǧynynda baǧdar beretın qūralǧa ainalady.
Jūmys memlekettık organdarmen, sarapşylar qauymdastyǧymen, jurnalistermen jäne azamattarmen bırlese jürgızıledı.
Ortalyqtyŋ qūryluy — naqty faktılerge, jauapkerşılıkke jäne aqparatqa degen senımge negızdelgen tūraqty kommunikasiialyq ortany qalyptastyru jolyndaǧy zaŋdy qadam.
Ortalyq jalǧan aqparattar turaly tūraqty şolular, manipuliasiia mysaldaryn jariialap, qoǧamdyq rezonans tudyrǧan aqparattyq taqyryptarǧa saraptamalyq tüsınıktemeler berıp otyrady. Ortalyqtyŋ ıske qosyluy äleumettık jelılerdegı resmi resurstarda aqparat jariialaumen qatar jüredı, onda kürdelı aqparattyq üderıster qarapaiym ärı tüsınıktı türde tüsındırıledı.
Būǧan deiın Qyrǧyzstanda BAQ pen internettegı feikter üşın aiyppūl salu şaralary engızılgen bolatyn.
