ۇلتتىق قوعامدىق سەنىم كەڭەسىنىڭ وزىنە سەنىم قالىپتاستىرۋى كەرەك. ساراپشىلار پرەزيدەنت جانىنان قۇرىلعان جاڭا كەڭەسكە وسىنداي پىكىر ايتۋدا دەپ حابارلايدى adyrna.kz  ۇلتتىق پورتالى ەۋرازيا ارناسىنا سىلتەمە جاساپ. 

سونداي-اق، ۋنيۆەرسيتەتتەگى، فورۋمعا قاتىسۋشى ستۋدەنتتەرمەن ەمەس، بيلىك، بازاردا جۇرگەن جاستارمەن ءتىل تابىسۋى ءتيىس دەيدى ولار. جۋىردا قۇرىلعان كەڭەستىڭ مۇشەلەرى قانشا جالاقى الادى؟

"مەنىڭ جەكە ويىم بىلاي. ەلىمىزدەگى قوعامدىق ساياسي سالاداعى زاڭداردى وزگەرتۋ كەرەك. ول ميتينگ تۋرالى، پارتيالار تۋرالى، اقپارات قۇرالى جانە سايلاۋ تۋرالى. 4 زاڭ. ەگەر وسىنى وزگەرتىپ، پاكەت رەتىندە پارلامەنتكە جىبەرىپ، سول جەردە قابىلداناتىن بولسا، ەلىمىزدەگى قوعامدىق ساياسي جۇيەنى ليبەراليزاتسيا جاسادى دەۋگە نەگىز بار", - دەيدى ساياساتتتانۋشى، ۇلتتىق سەنىم كەڭەسىنىڭ مۇشەسى ەرلان سايىروۆ.

ۇلتتىق كەڭەستىڭ مۇشەسى ەرلان سايىروۆ وسى ماسەلەلەردى قولعا الامىن دەپ قۇلشىنىپ وتىر.  الەمدىك تاجىريبەلەردى العا تارتتى. اسىرەسە، ەلدەگى ءوزىن-ءوزى باسقارۋ جۇيەسىن جانداندىرۋ كەرەك دەيدى.  الايدا، قازىر نە كوپ كەڭەس كوپ، كەڭەسشى كوپ.  قوعامدا ۇلتتىق سەنىم كەڭەسىنىڭ نە ءۇشىن قۇرىلعانىن تۇسىنبەي جۇرگەندەر كوپ. الەۋمەتتىك جەلىدە دە تالقىلاپ جاتىر.

"حالىقتىڭ ورتاسىندا ۇلتتىق كەڭەس پەن قوعامدىق كەڭەستىڭ ايىرماشىلىعىن ءتۇسىندىرۋ قاجەت. ەكەۋى ەكى بولەك ورگان. قازىر حالىقتىڭ ورتاسىندا ۇلتتىق كەڭەسكە دەگەن سەنىمدى مولايتپايىنشا، ونىڭ جۇمىسىنا دا كۇمان كەلتىرۋى مۇمكىن", - دەيدى ساراپشى، ساياساتتانۋشى الۋا جولدىبالينا.

حالىقتىڭ سەنىمىنە كىرۋ ءۇشىن ەل-جۇرتتى تولعاندىرعان ماسەلەلەردى تىڭداۋ كەرەك.  ال پرەزيدەنت جانىنداعى  جاڭادان قۇرىلعان ۇلتتىق قوعامدىق سەنىم كەڭەسى قالاي جۇمىس ىستەيدى؟ حالىقپەن قالاي ديالوگ قۇرادى؟

"وسى جەردە وتىرعان ازاماتتاردىڭ الەۋمەتتىك جەلىدە اككاۋنتتارى بار. سوندا حابارلاسۋعا بولادى.  ول جەردە تەلەفون، بارلىعى جازىلعان. ەكىنشىدەن، وسىدان ەكى - ءۇش كۇن بۇرىن وسى كەڭەستىڭ حاتشىسى ەرلان كارين ءوزىنىڭ سوزىندە اككاۋنتى جاقىن ارادا اشىلاتىنىن ايتتى. ءوزىنىڭ جەكە اككاۋنتى بولادى. سول جەرگە جىبەرۋگە بولادى، بارلىق ماسەلەنى", - دەپ جاۋاپ بەردى ەرلان سايىروۆ.

سوڭعى كەزدە جاستاردىڭ جيىندارى دا ءجيى وتەدى. بىراق كوبىنە ونەر، سپورت ، جۋرناليستيكا سالاسىنداعى جۇلدىزداردى الدىڭعى قاتارعا وتىرعىزىپ، بەلسەندى ستۋدەنتتەردىڭ جالاۋلاتقان فورۋمدارىنان ءارى اسپايدى. ال وقۋعا تۇسپەگەن، تۇراقتى جۇمىسى جوق، بازاردا جۇرگەن جاستار قامتىلماي قالادى ەكەن. ۇلتتىق كەڭەسكە مۇشە بولعان جاستار ۇيىمدارىنىڭ وكىلدەرى وسى كەمشىلىكتى قولعا الامىز دەگەن سىڭاي تانىتتى.

ۇلتتىق سەنىم كەڭەسىنىڭ العاشقى جيىنى تامىز ايىنا جوسپارلانىپ وتىر. سول كەزدە بىرقاتار  ماسەلە ناقتىلانباق. ازىرگە، مۇشەلەرى دە كوپ نارسەنى بىلمەيدى.  ءبىر انىعى، ونىڭ قۇرامىنداعى 42 ادامعا ەشقانداي ايلىق تولەنبەيدى. حالىق قامى ءۇشىن تەگىن جۇمىس ىستەيدى ەكەن.