Ūlttyq qoǧamdyq senım keŋesınıŋ özıne senım qalyptastyruy kerek. Sarapşylar Prezident janynan qūrylǧan jaŋa keŋeske osyndai pıkır aituda dep habarlaidy adyrna.kz  ūlttyq portaly Euraziia arnasyna sılteme jasap.  Sondai-aq, universitettegı, forumǧa qatysuşy studenttermen emes, bilık, bazarda jürgen jastarmen tıl tabysuy tiıs deidı olar. Juyrda qūrylǧan keŋestıŋ müşelerı qanşa jalaqy alady? "Menıŋ jeke oiym bylai. Elımızdegı qoǧamdyq saiasi saladaǧy zaŋdardy özgertu kerek. Ol miting turaly, partiialar turaly, aqparat qūraly jäne sailau turaly. 4 zaŋ. Eger osyny özgertıp, paket retınde Parlamentke jıberıp, sol jerde qabyldanatyn bolsa, elımızdegı qoǧamdyq saiasi jüienı liberalizasiia jasady deuge negız bar", - deidı saiasatttanuşy, Ūlttyq senım keŋesınıŋ müşesı Erlan Saiyrov. Ūlttyq keŋestıŋ müşesı Erlan Saiyrov osy mäselelerdı qolǧa alamyn dep qūlşynyp otyr.  Älemdık täjıribelerdı alǧa tartty. Äsırese, eldegı özın-özı basqaru jüiesın jandandyru kerek deidı.  Alaida, qazır ne köp keŋes köp, keŋesşı köp.  Qoǧamda ūlttyq senım keŋesınıŋ ne üşın qūrylǧanyn tüsınbei jürgender köp. Äleumettık jelıde de talqylap jatyr. "Halyqtyŋ ortasynda Ūlttyq keŋes pen Qoǧamdyq keŋestıŋ aiyrmaşylyǧyn tüsındıru qajet. Ekeuı ekı bölek organ. Qazır halyqtyŋ ortasynda Ūlttyq keŋeske degen senımdı molaitpaiynşa, onyŋ jūmysyna da kümän keltıruı mümkın", - deidı sarapşy, saiasattanuşy Alua Joldybalina. Halyqtyŋ senımıne kıru üşın el-jūrtty tolǧandyrǧan mäselelerdı tyŋdau kerek.  Al Prezident janyndaǧy  jaŋadan qūrylǧan Ūlttyq qoǧamdyq senım keŋesı qalai jūmys ısteidı? Halyqpen qalai dialog qūrady? "Osy jerde otyrǧan azamattardyŋ äleumettık jelıde akkaunttary bar. Sonda habarlasuǧa bolady.  Ol jerde telefon, barlyǧy jazylǧan. Ekınşıden, osydan ekı - üş kün būryn osy keŋestıŋ hatşysy Erlan Karin özınıŋ sözınde akkaunty jaqyn arada aşylatynyn aitty. Özınıŋ jeke akkaunty bolady. Sol jerge jıberuge bolady, barlyq mäselenı", - dep jauap berdı Erlan Saiyrov. Soŋǧy kezde jastardyŋ jiyndary da jiı ötedı. Bıraq köbıne öner, sport , jurnalistika salasyndaǧy jūldyzdardy aldyŋǧy qatarǧa otyrǧyzyp, belsendı studentterdıŋ jalaulatqan forumdarynan ärı aspaidy. Al oquǧa tüspegen, tūraqty jūmysy joq, bazarda jürgen jastar qamtylmai qalady eken. Ūlttyq keŋeske müşe bolǧan jastar ūiymdarynyŋ ökılderı osy kemşılıktı qolǧa alamyz degen syŋai tanytty. Ūlttyq senım keŋesınıŋ alǧaşqy jiyny tamyz aiyna josparlanyp otyr. Sol kezde bırqatar  mäsele naqtylanbaq. Äzırge, müşelerı de köp närsenı bılmeidı.  Bır anyǧy, onyŋ qūramyndaǧy 42 adamǧa eşqandai ailyq tölenbeidı. Halyq qamy üşın tegın jūmys ısteidı eken.