"كوڭىل سىيسا..." ءبىر بولمەلى پاتەرگە مىڭعا جۋىق ادامدى تىركەگەن استانالىق سوتتالدى

ەلوردادا «رەزەڭكە» پاتەردىڭ يەسى سوتتالدى. جالپى اۋدانى 35,7 شارشى مەتردى قۇرايتىن ءبىر بولمەلى پاتەرگە 937 ادام تىركەۋگە تۇرعان، - دەپ حابارلايدى "ادىرنا" ۇلتتىق پورتالى استانا پروكۋراتۋراسىنا سىلتەمە جاساپ. جاعدايعا بايلانىستى "زاڭسىز كوشى-قوندى ۇيىمداستىرۋ" (قك 394-بابىنىڭ 1-بولىگى) بويىنشا قىلمىستىق ءىس قوزعالدى. «مەملەكەتتىك ايىپتاۋشى-پروكۋرور سوتتالۋشىنىڭ زاڭسىز كوشى-قوندى ۇيىمداستىرۋداعى كىناسىن تۇرعىن ۇيمەن قامتاماسىز ەتۋ ارقىلى دالەلدەدى. سوت ۇكىمىمەن «رەزەڭكە» پاتەردىڭ يەسى كىنالى دەپ تانىلدى. ۇكىم زاڭدى كۇشىنە ەندى»، - دەدى قاداعالاۋ ورگانى. وسى باپتىڭ سانكتسياسى بويىنشا 2000 اەك (2024 جىلى 7 384 000 تەڭگەگە دەيىن) مولشەرىندە ايىپپۇل سالۋدى نەمەسە سول مولشەردە تۇزەۋ جۇمىستارىن جۇرگىزۋدى; التى ءجۇز ساعاتقا دەيىن مۇلكىن تاركىلەي وتىرىپ قوعامدىق جۇمىستارعا تارتۋ; نەمەسە ەكى جىلعا دەيىنگى مەرزىمگە باس بوستاندىعىن شەكتەۋ جازاسى قاراستىرىلعان.