ۇلىتاۋدا جاياۋ جۇرگىنشىلەر جولاعىنان ەكى بالاسىمەن بىرگە ءوتىپ بارا جاتقان ايەلدى كولىك قاعىپ كەتتى

ۇلىتاۋ وبلىسى، جەزقازعان مەن ساتباەۆ قالالارىنىڭ اراسىنداعى تاس جولدا جاياۋ جۇرگىنشىلەر وتكەلىنەن ءوتىپ  وتىپ بارا جاتقان ايەل مەن ەكى بالاسىن كولىك قاعىپ كەتتى، - دەپ حابارلايدى “ادىرنا” ۇلتتىق پورتالى. جاياۋ جۇرگىنشىلەردى «داچا» كووپەراتيۆى «ۆوستوك» ايالداماسىنىڭ جانىنداعى جاياۋ جۇرگىنشىلەر وتكەلىندە قاعىپ كەتكەن. جولدىڭ بۇل بولىگى ەكى قالانى بايلانىستىرادى جانە كولىكتەردىڭ ءجۇرىسى  قاربالاس قالىپتا جىلجيدى. ايەل 3 جاسار ۇلىنىڭ قولىنان ۇستاپ جولدان ءوتىپ بارا جاتقان. ونىڭ جانىندا جاڭا تۋعان نارەستە دە بولدى. ولاردى 36 جاستاعى جۇرگىزۋشى قاعىپ كەتكەن. وقيعا سالدارىنان 3 جاسار بالا العان جاراقاتىنان سول جەردە كوز جۇمدى. اناسى مەن كىشكەنتاي ءسابي اۋىر جاراقاتتارمەن مەديتسينالىق مەكەمەگە جاتقىزىلدى. «وسى فاكتى بويىنشا بالالى ايەلدى قاعىپ كەتكەن كولىك جۇرگىزۋشىسى ۋاقىتشا ۇستاۋ يزولياتورىنا جەتكىزىلدى»، - دەدى ۇلىتاۋ وبلىستىق پوليتسياسىنىڭ ءباسپاسوز قىزمەتى. ۆەدومستۆو جۇرگىزۋشىلەردى جول قوزعالىسى ەرەجەلەرى مەن جىلدامدىقتى قاتاڭ ساقتاۋعا شاقىردى.