«AMANAT» پارتياسى «قارىزسىز قوعام» جوباسى اياسىندا مۇعالىمدەردى قارجىلىق ساۋاتتىلىقتى وقىتۋ داعدىلارىنا ۇيرەتۋدى ۇيىمداستىردى. ەل بويىنشا بارلىعى 7500 مەكتەپ، كوللەدج جانە ۋنيۆەرسيتەت مۇعالىمدەرى وقىتىلادى. جوسپار بويىنشا جاڭا ءپان جاڭا وقۋ جىلىندا وقۋ باعدارلاماسىنا ەنگىزىلمەك.
استانادا وقۋ سەمينارىنىڭ قاتىسۋشىلارىمەن ءماجىلىس سپيكەرى، «AMANAT» پارتياسىنىڭ توراعاسى ەرلان قوشانوۆ, عىلىم جانە جوعارى ءبىلىم ءمينيسترى ساياسات نۇربەك جانە وقۋ-اعارتۋ ءمينيسترى عاني بەيسەمباەۆ كەزدەستى. ءماجىلىس سپيكەرىنىڭ ايتۋىنشا، مۇعالىمدەر ءاردايىم قوعامداعى جاڭا جانە پروگرەسسيۆتى باستامالاردىڭ نەگىزگى نۇسقاۋشىسى. سوندىقتان پەداگوگتەردىڭ قارجىلىق ساۋاتتىلىق بويىنشا جاڭا ءپاننىڭ ءمانىن ءتۇسىنۋى جانە جاستاردى وقىتۋى ماڭىزدى.
– وزدەرىڭىز بىلەتىندەي، مەملەكەت باسشىسى قاسىم-جومارت توقاەۆ ءوزىنىڭ حالىققا جولداۋىندا قارجىلىق ساۋاتتىلىقتى ارتتىرۋ بويىنشا «قارىزسىز قوعام» جوباسىنا ەرەكشە نازار اۋداردى. پرەزيدەنت ۇكىمەتپەن بىرلەسىپ بۇل باستامانى جالپىۇلتتىق جوباعا اينالدىرۋدى جانە ونىڭ اۋقىمىن كەڭەيتۋدى تاپسىردى. بۇل جۇمىستى ەڭ الدىمەن مەكتەپ پەن جوو-دان باستاۋ كەرەك. ءبىزدىڭ پرەزيدەنتىمىزدىڭ نەگىزگى ساياساتى – رەفورمالاردى حالىق ءۇشىن جانە حالىقپەن بىرگە جۇرگىزۋ. سوندىقتان ءبىز، سىزدەردى، مۇعالىمدەردى شاقىرىپ، قارجىلىق ساۋاتتىلىقتى ارتتىرۋ بويىنشا جۇمىس ىستەگىمىز كەلەدى، – دەدى ول.
ءماجىلىس سپيكەرى بۇگىنگى وتاندىق ءبىلىم بەرۋ جۇيەسى وسكەلەڭ ۇرپاققا ەڭ قاجەتتى ءبىلىمدى بەرىپ، ولاردى قازىرگى ومىرگە بارىنشا دايىنداۋى ءتيىس ەكەنىن ەرەكشە اتاپ ءوتتى. بۇل الدىڭعى قاتارلى شەتەلدىك ەلدەردىڭ تاجىريبەسى.
ول سونداي-اق مەملەكەت حالىقتىڭ قارىز جۇكتەمەسىن ازايتۋ بويىنشا جۇيەلى شارالار قابىلداپ جاتقانىن تىلگە تيەك ەتتى. پرەزيدەنتتىڭ تاپسىرماسى بويىنشا ماجىلىستەگى «AMANAT» پارتياسى فراكتسياسى حالىقتىڭ نەسيەلىك جۇكتەمەسىن ازايتۋعا باعىتتالعان جاڭا زاڭ جوباسىن ازىرلەدى. بۇل زاڭ ءبىرىنشى كەزەكتە ازاماتتاردىڭ مۇددەلەرىن قورعاۋعا باعىتتالعان.
پارتيا حاتشىسى ەلدار جۇماعازيەۆتىڭ ايتۋىنشا، 2024 جىلى قارجىلىق ساۋاتتىلىقتى 100 مىڭ ستۋدەنت جانە 450 مىڭ وقۋشى وقيدى. قوسىمشا 200 مىڭ ادام وقىتۋ كۋرستارىنان وتەدى. وسىلايشا، بيىل «قارىزسىز قوعام» جوباسىمەن 750 مىڭ ادام قامتىلادى.
«قارىزسىز قوعام» جوباسىنىڭ ادىسكەرلەر جۇمىس توبىنىڭ جەتەكشىسى الما دوششانوۆا 600 مىڭ مۇعالىم، وقۋشى جانە ولاردىڭ اتا-انالارى اراسىندا ارنايى ساۋالناما جۇرگىزىلگەنىن ايتتى. زەرتتەۋ ناتيجەلەرى بويىنشا، ساۋالناماعا قاتىسقان وقۋشىلاردىڭ 60%-ى قارجىلىق ساۋاتتىلىقتىڭ ماڭىزدىلىعىن اتاپ ءوتتى. بۇل باستامانى اتا-انالار تاراپى دا قولدايدى، 78% رەسپوندەنت بالالارىنىڭ قارجىلىق ساۋاتتىلىقتى وقۋعا قىزىعۋشىلىق تانىتقانىن ايتادى. ادىسكەر-جوبالاۋشى نازىم بەكجىگىتتىڭ پىكىرىنشە، قارجىلىق ساۋاتتى ازامات ەلدىڭ دامۋىنا نەگىز بولادى.
سەمەي قالاسىنىڭ №5 گيمنازيا مۇعالىمى سايرامگۇل ءجۇمادىلوۆانىڭ پىكىرىنشە، قازىرگى ۋاقىتتا سمارتفوننىڭ كومەگىمەن نەسيە راسىمدەۋگە بولاتىن تسيفرلىق داۋىردە بالانى قاراجاتتى باسقارۋعا، جوسپارلاۋعا جانە شىعىنداردى ەسەپتەۋگە ۇيرەتۋ وتە ماڭىزدى.
– مەكتەپتەردەگى قارجىلىق ساۋاتتىلىق وقىتۋ ماڭىزدى، ويتكەنى ول بالالاردى اقشانى باسقارۋعا ۇيرەتەدى: بيۋدجەت قۇرۋ، ۇنەمدەۋ جانە اقشاعا جاۋاپتى بولۋ. قارىزدار مەن الاياقتىقتان اۋلاق بولۋعا، كاسىپكەرلىك داعدىلاردى دامىتۋعا جانە بولاشاققا دەگەن سەنىمدىلىكتى ارتتىرۋعا كومەكتەسەدى. بۇل ءبىلىم پايدالى جانە قارجىلىق تۇرعىدا تۇراقتى قوعام قۇرۋعا كومەكتەسەدى، - دەدى ول.
كەزدەسۋ سوڭىندا وقۋ-اعارتۋ مەن عىلىم جانە جوعارى ءبىلىم مينيسترلەرى عاني بەيسەمباەۆ پەن ساياسات نۇربەك «قارىزسىز قوعام» جوباسىنىڭ جوعارى وزەكتىلىگىنە توقتالىپ، ونى ءبىلىم بەرۋدىڭ ءۇش دەڭگەيىندە – مەكتەپتەردە، كوللەدجدەردە جانە ۋنيۆەرسيتەتتەردە تولىق قولدايتىنىن ايتتى. اتاپ ايتقاندا، قارجىلىق ساۋاتتىلىق بويىنشا مەكتەپ وليمپيادالارى وتكىزىلەدى. وسى ءپاندى وقىتۋ قارقىنى ارتادى. ول بۇكىل ەل بويىنشا، اسىرەسە ەكونوميكامەن بايلانىستى ەمەس ماماندىقتار ءۇشىن بارلىق جوعارى وقۋ ورىندارىندا مىندەتتى بولادى.
ەسكە سالا كەتەيىك، «قارىزسىز قوعام» جوباسى بىلتىر 2 مامىردا باستالعان بولاتىن. جوبانى ىسكە اسىرۋ بارىسىندا 150 مىڭعا جۋىق ادام وقۋدان ءوتتى. وقۋ كۋرسىنىڭ قاتىسۋشىلارىنا ىڭعايلى بولۋ ءۇشىن qogamfin.kz. ونلاين-پلاتفورماسى ازىرلەندى. سايت ارقىلى وقۋعا جازىلىپ، پايدالى ماتەريالدار مەن بەينە ساباقتاردى جۇكتەپ الۋعا بولادى.
فوتو: ءالي عالىم، تالعات تانىباەۆ
