«AMANAT» partiiasy «Qaryzsyz qoǧam» jobasy aiasynda mūǧalımderdı qarjylyq sauattylyqty oqytu daǧdylaryna üiretudı ūiymdastyrdy. El boiynşa barlyǧy 7500 mektep, kolledj jäne universitet mūǧalımderı oqytylady. Jospar boiynşa jaŋa pän jaŋa oqu jylynda oqu baǧdarlamasyna engızılmek.
Astanada oqu seminarynyŋ qatysuşylarymen Mäjılıs Spikerı, «AMANAT» partiiasynyŋ Töraǧasy Erlan Qoşanov, Ǧylym jäne joǧary bılım ministrı Saiasat Nūrbek jäne Oqu-aǧartu ministrı Ǧani Beisembaev kezdestı. Mäjılıs Spikerınıŋ aituynşa, mūǧalımder ärdaiym qoǧamdaǧy jaŋa jäne progressivtı bastamalardyŋ negızgı nūsqauşysy. Sondyqtan pedagogterdıŋ qarjylyq sauattylyq boiynşa jaŋa pännıŋ mänın tüsınuı jäne jastardy oqytuy maŋyzdy.
– Özderıŋız bıletındei, Memleket basşysy Qasym-Jomart Toqaev özınıŋ halyqqa Joldauynda qarjylyq sauattylyqty arttyru boiynşa «Qaryzsyz qoǧam» jobasyna erekşe nazar audardy. Prezident Ükımetpen bırlesıp būl bastamany jalpyūlttyq jobaǧa ainaldyrudy jäne onyŋ auqymyn keŋeitudı tapsyrdy. Būl jūmysty eŋ aldymen mektep pen JOO-dan bastau kerek. Bızdıŋ Prezidentımızdıŋ negızgı saiasaty – reformalardy halyq üşın jäne halyqpen bırge jürgızu. Sondyqtan bız, sızderdı, mūǧalımderdı şaqyryp, qarjylyq sauattylyqty arttyru boiynşa jūmys ıstegımız keledı, – dedı ol.
Mäjılıs Spikerı bügıngı otandyq bılım beru jüiesı öskeleŋ ūrpaqqa eŋ qajettı bılımdı berıp, olardy qazırgı ömırge barynşa daiyndauy tiıs ekenın erekşe atap öttı. Būl aldyŋǧy qatarly şeteldık elderdıŋ täjıribesı.
Ol sondai-aq memleket halyqtyŋ qaryz jüktemesın azaitu boiynşa jüielı şaralar qabyldap jatqanyn tılge tiek ettı. Prezidenttıŋ tapsyrmasy boiynşa Mäjılıstegı «AMANAT» partiiasy fraksiiasy halyqtyŋ nesielık jüktemesın azaituǧa baǧyttalǧan jaŋa zaŋ jobasyn äzırledı. Būl zaŋ bırınşı kezekte azamattardyŋ müddelerın qorǧauǧa baǧyttalǧan.
Partiia hatşysy Eldar Jūmaǧazievtıŋ aituynşa, 2024 jyly qarjylyq sauattylyqty 100 myŋ student jäne 450 myŋ oquşy oqidy. Qosymşa 200 myŋ adam oqytu kurstarynan ötedı. Osylaişa, biyl «Qaryzsyz qoǧam» jobasymen 750 myŋ adam qamtylady.
«Qaryzsyz qoǧam» jobasynyŋ ädıskerler jūmys tobynyŋ jetekşısı Alma Doşanova 600 myŋ mūǧalım, oquşy jäne olardyŋ ata-analary arasynda arnaiy saualnama jürgızılgenın aitty. Zertteu nätijelerı boiynşa, saualnamaǧa qatysqan oquşylardyŋ 60%-y qarjylyq sauattylyqtyŋ maŋyzdylyǧyn atap öttı. Būl bastamany ata-analar tarapy da qoldaidy, 78% respondent balalarynyŋ qarjylyq sauattylyqty oquǧa qyzyǧuşylyq tanytqanyn aitady. Ädısker-jobalauşy Nazym Bekjıgıttıŋ pıkırınşe, qarjylyq sauatty azamat eldıŋ damuyna negız bolady.
Semei qalasynyŋ №5 gimnaziia mūǧalımı Sairamgül Jūmadılovanyŋ pıkırınşe, qazırgı uaqytta smartfonnyŋ kömegımen nesie räsımdeuge bolatyn sifrlyq däuırde balany qarajatty basqaruǧa, josparlauǧa jäne şyǧyndardy esepteuge üiretu öte maŋyzdy.
– Mektepterdegı qarjylyq sauattylyq oqytu maŋyzdy, öitkenı ol balalardy aqşany basqaruǧa üiretedı: biudjet qūru, ünemdeu jäne aqşaǧa jauapty bolu. Qaryzdar men alaiaqtyqtan aulaq boluǧa, käsıpkerlık daǧdylardy damytuǧa jäne bolaşaqqa degen senımdılıktı arttyruǧa kömektesedı. Būl bılım paidaly jäne qarjylyq tūrǧyda tūraqty qoǧam qūruǧa kömektesedı, - dedı ol.
Kezdesu soŋynda Oqu-aǧartu men Ǧylym jäne joǧary bılım ministrlerı Ǧani Beisembaev pen Saiasat Nūrbek «Qaryzsyz qoǧam» jobasynyŋ joǧary özektılıgıne toqtalyp, ony bılım berudıŋ üş deŋgeiınde – mektepterde, kolledjderde jäne universitetterde tolyq qoldaitynyn aitty. Atap aitqanda, qarjylyq sauattylyq boiynşa mektep olimpiadalary ötkızıledı. Osy pändı oqytu qarqyny artady. Ol bükıl el boiynşa, äsırese ekonomikamen bailanysty emes mamandyqtar üşın barlyq joǧary oqu oryndarynda mındettı bolady.
Eske sala keteiık, «Qaryzsyz qoǧam» jobasy byltyr 2 mamyrda bastalǧan bolatyn. Jobany ıske asyru barysynda 150 myŋǧa juyq adam oqudan öttı. Oqu kursynyŋ qatysuşylaryna yŋǧaily bolu üşın qogamfin.kz. onlain-platformasy äzırlendı. Sait arqyly oquǧa jazylyp, paidaly materialdar men beine sabaqtardy jüktep aluǧa bolady.
Foto: Äli Ǧalym, Talǧat Tanybaev
