قازاقستانمەن شەكارادا. رەسەيدە بوگەت جارىلىپ، بىرنەشە اۋىلدى سۋ باستى (ۆيدەو)

26 شىلدەدە رەسەيدىڭ چەليابى وبلىسىنداعى كياليم سۋ قويماسىندا بوگەت بۇزىلدى، دەپ حابارلايدى «ادىرنا» ءتىلشىسى.

توتەنشە جاعدايلار قىزمەتىنىڭ ايتۋىنشا، تولاسسىز جاۋىن-شاشىن سالدارىنان قويماداعى سۋ دەڭگەيى 7 سانتيمەترگە كۇرت كوتەرىلگەن.

«بەس اۋىلدىڭ 200-گە جۋىق تۇرعىنى اپات ايماعىندا قالدى. تاسقىن سالدارىن جويۋعا بارلىعى 170-تەن استام مامان مەن 60 بىرلىك تەحنيكا تارتىلدى»،—دەدى دەپارتامەنتتىڭ ءباسپاسوز قىزمەتى.

الدىن الا مالىمەت بويىنشا، زارداپ شەككەندەر مەن قازا تاپقاندار جوق.

قازىرگى تاڭدا قاراباش اۋدانىندا بولعان جاعدايعا بايلانىستى تج رەجيمى ەنگىزىلدى.