جاڭا 2024-2025 وقۋ جىلىندا 351 176 بالا 1-سىنىپقا قابىلداندى جانە ونىڭ 70%-عا جۋىعى قازاق تىلىندە وقۋعا نيەت ءبىلدىردى. بۇل تۋرالى وقۋ-اعارتۋ مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
مالىمەتكە سايكەس، ءبىرىنشى سىنىپقا باراتىن وقۋشىلاردىڭ ەڭ كوپ سانى تۇركىستان وبلىسىندا (44 مىڭنان استام), الماتى وبلىسىندا (34 مىڭ), استانا قالاسىندا (26 مىڭنان استام) تىركەلگەن.
وقۋ-اعارتۋ مينيسترلىگىنىڭ حابارلاۋىنشا، 2024-2025 وقۋ جىلىندا 7 859 مەكتەپتە 3,9 ميلليوننان استام قازاقستاندىق بالا ءبىلىم الادى. سونىمەن قاتار، 11-سىنىپتا وقيتىنداردىڭ سانى دا رەكوردتىق كورسەتكىشكە جەتتى – 219 مىڭنان استام بالا.
جالپى جاڭا وقۋ جىلىندا 1-سىنىپقا 369 مىڭ بالا قابىلدانادى دەپ كۇتىلۋدە.
