سپورتشى جانىبەك ءالىمحانۇلى جەكپە-جەككە شىعار الدىندا ۇيىمداستىرۋشىلار قازاقستان رەسپۋبليكاسىنىڭ ەسكى ءانۇرانىن قوسقان، دەپ حابارلايدى “ادىرنا” ۇلتتىق پورتالى.
اۆستراليانىڭ سيدنەي قالاسىندا وتكەن بوكس كەشىندە ۇيىمداستىرۋشىلار جاڭا زەلانديالىق اندرەي ميحايلوۆيچكە ءوز ەلىنىڭ ءانۇرانىن، ەل سپورتشىسىنا قازاقستاننىڭ ەسكى گيمنىن قوسقان.
جانىبەكتىڭ جەكپە-جەگىندە قازاقستاننىڭ ەسكى ءانۇرانى قويىلعانىنا جاتتىقتىرۋشىلار مەن كورەرمەن قارسى بولدى. الايدا نارازىلىققا قاراماستان ەسكى
گيمن تولىق شىرقالعان.
جەكپە-جەكتى كورسەتىپ جاتقان Qazsport تەلەارناسىنىڭ كوممەنتاتورى بۇل ارەكەتكە قاتىستى جەكپە-جەك الدىندا قازاقستاندىققا ادەيى قىسىم كورسەتۋدىڭ امالى بولۋى مۇمكىن دەگەن پىكىرىن بىلدىرگەن ەدى.
ايتا كەتەيىك، 4 قازان كۇنى قازاقستاندىق بوكسشى جانىبەك ءالىمحانۇلى جاڭا زەلانديالىق اندرەي ميحايلوۆيچتى توعىزىنشى راۋندتا نوكاۋتپەن قۇلاتىپ، جەڭىسكە قول جەتكىزدى.
ۇقساس جاڭالىقتار
