اپاتقا ۇشىراعان امەريكالىق Osprey كونۆەرتوپلانى (تىكۇشاعى) اۆسترالياداعى اسكەري جاتتىعۋلارعا قاتىسقان. اۋە كەمەسى مەلۆيلل ارالىنىڭ اۋماعىنا قۇلادى. بورتتا 20 شاقتى ادام بولعان، دەپ حابارلايدى "ادىرنا" ۇلتتىق پورتالى.
اقش-تىڭ 2و شاقتى اسكەري قىزمەتكەرى مىنگەن ۇشاق اۆستراليادا اپاتقا ۇشىرادى. بۇل تۋرالى جەرگىلىكتى باق حابارلادى.
وقيعا 27 تامىزدا تاڭەرتەڭ دارۆين قالاسىنىڭ ماڭىندا بولدى. قازىرگى ۋاقىتتا ىزدەۋ-قۇتقارۋ جۇمىستارى جالعاسىپ جاتىر.
اۆستراليانىڭ قورعانىس مينيسترلىگى Osprey تىكۇشاعىنىڭ (كونۆەرتوپلان) ىشىندە امەريكاندىق اسكەري قىزمەتشىلەر بولعانىن راستادى. اۆستراليالىق ساربازداردىڭ زارداپ شەكپەگەنىن حابارلادى.
اۆستراليالىق ABC قوعامدىق تەلەراديوكومپانياسىنىڭ مالىمەتى
بويىنشا، ءۇش ادام قۇتقارىلعان. ونىڭ بىرەۋى اۋىر جاعدايدا جاتىر، ەكەۋىنىڭ جاعدايى - بىرقالىپتى.
"گۆارديان" باسىلىمى اقش-تىڭ 150-گە جۋىق تەڭىز-جاياۋ اسكەرى دارۆيندە ەكەنىن جازدى. ولاردىڭ اۆستراليا مەن فيليپپين اسكەرلەرىمەن بىرگە اسكەري جاتتىعۋلارعا قاتىساتىنىن اتاپ ءوتتى.
ەسكە سالايىق، وسىعان ۇقساس جاعداي 23 تامىز كۇنى رەسەيدىڭ تۆەر وبلىسىندا بولدى. وندا بورتتا "ۆاگنەر" جەكە اسكەري كومپانياسىنىڭ باسشىسى ەۆگەني پريگوجين مەن ونىڭ وڭ قولى دميتري ۋتكين بولعانى ايتىلاتىن ۇشاق اپاتقا ۇشىراعان ەدى.
ۇقساس جاڭالىقتار
"ادىرنا" ۇلتتىق پورتالى
