قازاقستاندىق سپورتشى ەلەنا رىباكينا اۆستراليادا وتكەن تۋرنيردە جەڭىسكە جەتتى، دەپ حابارلايدى "ادىرنا" ءتىلشىسى.
ەلەنا رىباكينا اۆستراليانىڭ بريسبەن قالاسىندا وتكەن WTA 500 سەرياسى تۋرنيرىندە جەڭىسكە جەتىپ، چەمپيون اتاندى.
فينالدىق كەزدەسۋدە قازاقستاندىق سپورتشى بەلارۋس تەننيسشىسى، الەمنىڭ ەكىنشى راكەتكاسى ارينا سابالەنكونمەن سايىسىپ، جەڭىسكە جەتتى.
25 مينۋتقا سوزىلعان ءبىرىنشى سەتتە ەسەپ 6:0 بولعان. ويىن سوڭىندا ەسەپ 6:3 بولىپ، قازاقستاندىق سپورتشى قارسىلاسىن جەڭدى.
تەننيس فەدەراتسياسىنىڭ ءباسپاسوز قىزمەتى:
"رىباكينا ءوزىنىڭ مانسابىنداعى التىنشى چەمپيوندىق اتاعىن جەڭىپ الدى (2023 WTA 1000 Indian Wells, WTA 1000 Rome, 2022 Grand Slam Wibledon, 2020 WTA 250 Hobart جانە 2019 WTA بۋحارەست). بريسبەندەگى جەڭىسىنىڭ ارقاسىندا قازاقستان ايەلدەر قۇراماسىنىڭ كوشباسشىسى 220 مىڭ اقش دوللارىن سىياقىعا، 500 رەيتينگتىك ۇپايعا يە بولدى جانە ايەلدەردىڭ جاڭارتىلعان الەمدىك رەيتينگىندە 3-ورىنعا كوتەرىلەدى", - دەدى.
