قاراعاندى وبلىسىندا «AMANAT» پارتياسىنىڭ قولداۋىمەن وڭىردەگى اۋىل اكىمدەرىنىڭ فورۋمى ءوتتى.
130 اۋىل اكىمدەرى قاتىسقان اۋقىمدى ءىس-شارانىڭ باستى ماقساتى – ەلىمىزدەگى ساياسي رەفورمالاردى جۇيەلى جۇزەگە اسىرۋ، اۋىل حالقىن تولعاندىراتىن وزەكتى ماسەلەلەردى اشىق تالقىلاۋ جانە ونى شەشۋ جولدارىن قاراستىرۋ.
القالى جيىندا «AMANAT» پارتياسىنىڭ حاتشىسى ەرجان جىلقىباەۆ پرەزيدەنت «جاڭا جاعدايداعى قازاقستان: ءىس-قيمىل كەزەڭى» اتتى حالىققا جولداۋىندا ەلىمىزدەگى ساياسي رەفورمالاردى جاڭعىرتۋ ماقساتىندا اۋىل اكىمدەرى سايلاۋىن وتكىزۋ جونىندە تاپسىرما بەرگەنىن جانە بۇل شەشىم ەل تاريحىنداعى ماڭىزدى وقيعاعا اينالعان اتاپ ءوتتى.
«تۇرعىندار تۇڭعىش رەت جەرگىلىكتى اتقارۋشى بيلىك باسشىسىن تىكەلەي سايلاۋ مۇمكىندىگىنە يە بولدى. وسىلايشا، قاراعاندى وبلىسىنداعى 167 اۋىلدىق وكرۋگتە 159 اۋىل اكىمدەرى سايلاندى. ونىڭ ىشىندە، پارتيامىزدان ۇسىنىلعان 139 (87%) كانديدات جەڭىسكە جەتتى. سوندىقتان، بۇگىنگى فورۋمدا ايتىلعان ۇسىنىستار مەن يدەيالار، تىڭ باستامالار «AMANAT» پارتياسى اتىنان سايلانعان اۋىل اكىمدەرىنىڭ تاباندى جۇمىسى مەن كاسىبي شەبەرلىگىنە جاڭا سەرپىن بەرەدى دەگەن سەنىمدەمىن»، – دەدى ول.فورۋم بارىسىندا قاتىسۋشىلار مەملەكەتتىك ساتىپ الۋ جانە سىبايلاس جەمقورلىققا قارسى زاڭناماداعى وزگەرىستەردى تالقىلادى. تۇرعىندارمەن كەرى بايلانىستى ءتيىمدى ۇيىمداستىرۋعا دا نازار اۋداردى.
«AMANAT پارتياسىنىڭ وبلىستىق فيليالى ۇيىمداستىرعان فورۋم پرەزيدەنت قاسىم-جومارت توقاەۆتىڭ ساياسي رەفورمالارىن جۇزەگە اسىرۋ جولدارىنىڭ ءبىرى بولىپ تابىلادى. كەزدەسۋ جەمىستى بولاتىنىنا سەنىمدىمىن، قاتىسۋشىلار وزدەرىنىڭ كۇندەلىكتى جۇمىسىندا تابىستى پايدالانا الاتىن جاڭا ءبىلىم مەن داعدىلارعا يە بولادى»، - دەپ اتاپ ءوتتى قاراعاندى وبلىسىنىڭ اكىمى ەرماعانبەت بولەكپاەۆ.ءوز كەزەگىندە، «AMANAT» پارتياسى قاراعاندى وبلىستىق فيليالىنىڭ توراعاسى بەكزات التىنبەكوۆ اۋىلدىق ەلدى مەكەندەردى دامىتۋدىڭ ءمانى مەن ماڭىزىنا توقتالدى.
«اۋىل – قازاقتىڭ التىن بەسىگى. ەلگە ەڭبەگى سىڭگەن كورنەكتى تۇلعالار دا، وسىندا وتىرعان كوپشىلىك ازاماتتار دا اۋىلدان تۇلەپ ۇشتى. اۋىلدىڭ جاي-كۇيى – بارىمىزگە ورتاق. ونىڭ الداعى كۇندەرى قاي باعىتتا داميتىنى سىزدەر مەن بىزگە بايلانىستى. ياعني، ءبىز ءىشى دە، سىرتى دا ءبۇتىن ەل بولۋىمىز كەرەك. سوندىقتان اۋىل اكىمىنە ارتىلاتىن جاۋاپكەرشىلىك جۇگى – اركەز اۋىر. اۋىل ازاماتتارى سىزدەرگە ايرىقشا ءۇمىت ارتادى»، – دەدى ول.وسىلايشا، فورۋم جۇمىسى پلەنارلىق سەسسيا فورماتىندا ءوتىپ، 2 بولىمنەن تۇردى. العاشقى بولىمدە – پارتيانىڭ وبلىستىق فيليالى، ورتالىق اپپاراتى باسشىلىعىنىڭ، قاراعاندى وبلىسى اكىمى اپپاراتىنىڭ، مەملەكەتتىك قىزمەت ىستەرى اگەنتتىگى قاراعاندى وبلىسى بويىنشا دەپارتامەنتىنىڭ، قر پرەزيدەنتى جانىنداعى مەملەكەتتىك باسقارۋ اكادەمياسى قاراعاندى وبلىسى بويىنشا فيليالىنىڭ، ءماجىلىسى دەپۋتاتتارىنىڭ، پارتيانىڭ اۋماقتىق فيليالدارى توراعالارىنىڭ، قالالار مەن اۋداندار، اۋىلدىق وكرۋگتەر اكىمدەرىنىڭ قاتىسۋىمەن پلەنارلىق وتىرىس ۇيىمداستىرىلدى. كەلەسى بولىمدە – وقىتۋ سەمينارى وتكىزىلدى. وندا اكىمدەر زاڭناماداعى، ونىڭ ىشىندە مەملەكەتتىك ساتىپ الۋ سالاسىنداعى وزگەرىستەر تۋرالى جان-جاقتى اقپارات الدى. مەملەكەتتىك قىزمەت ىستەرى سالاسىنداعى ترەنەرلەر مەنەدجمەنت پروتسەسىن جەتىلدىرۋ، يميدج قالىپتاستىرۋ بويىنشا ادىستەمەلىك ۇسىنىستار بەردى. جالپى، جيىن بارىسىندا بيلىك تارماقتارىنىڭ ءوزارا بايلانىسىن نىعايىپ، سىندارلى شەشىمدەر قابىلداۋ قاتىستى ءتۇرلى كەڭەس بەرىلدى. ايتا كەتەيىك، «AMANAT» پارتياسىنىڭ «حالىقپەن بىرگە!» سايلاۋالدى باعدارلاماسى اياسىندا اۋىل تۇرعىندارىنا ءومىر سۇرۋگە قولايلى تۇرمىس دەڭگەيى مەن ەڭبەك جاعدايىن جاساپ، اۋىل ازاماتتارىنىڭ ساپالى ينفراقۇرىلىمعا، بىلىمگە، مەديتسيناعا قول جەتكىزۋىن قامتاماسىز ەتۋ كوزدەلۋدە. وسى ماقساتتا – تەز سالىناتىن سپورت عيماراتتارىنىڭ قۇرىلىسىن قامتاماسىز ەتۋ، اۋىلداعى جاس مەديتسينا مامانىنا كوتەرمە جاردەماقىنى 100 جتم-گە دەيىن ارتتىرۋ، اۋىلداعى سانيتاريالىق اۆتوكولىكتەردى جابدىقتاۋ، اۋىل تۇرعىندارىنىڭ سكرينينگ ءتىزىمىن ون ءبىر تۇرگە دەيىن ارتتىرۋ باعىتىندا جۇيەلى جۇمىس جۇرگىزىلۋدە.
