Qaraǧandy oblysynda «AMANAT» partiiasynyŋ qoldauymen öŋırdegı auyl äkımderınıŋ forumy öttı.
130 auyl äkımderı qatysqan auqymdy ıs-şaranyŋ basty maqsaty – elımızdegı saiasi reformalardy jüielı jüzege asyru, auyl halqyn tolǧandyratyn özektı mäselelerdı aşyq talqylau jäne ony şeşu joldaryn qarastyru.
Alqaly jiynda «AMANAT» partiiasynyŋ Hatşysy Erjan Jylqybaev Prezident «Jaŋa jaǧdaidaǧy Qazaqstan: ıs-qimyl kezeŋı» atty halyqqa Joldauynda elımızdegı saiasi reformalardy jaŋǧyrtu maqsatynda auyl äkımderı sailauyn ötkızu jönınde tapsyrma bergenın jäne būl şeşım el tarihyndaǧy maŋyzdy oqiǧaǧa ainalǧan atap öttı.
«Tūrǧyndar tūŋǧyş ret jergılıktı atqaruşy bilık basşysyn tıkelei sailau mümkındıgıne ie boldy. Osylaişa, Qaraǧandy oblysyndaǧy 167 auyldyq okrugte 159 auyl äkımderı sailandy. Onyŋ ışınde, partiiamyzdan ūsynylǧan 139 (87%) kandidat jeŋıske jettı. Sondyqtan, bügıngı forumda aitylǧan ūsynystar men ideialar, tyŋ bastamalar «AMANAT» partiiasy atynan sailanǧan auyl äkımderınıŋ tabandy jūmysy men käsıbi şeberlıgıne jaŋa serpın beredı degen senımdemın», – dedı ol.Forum barysynda qatysuşylar memlekettık satyp alu jäne sybailas jemqorlyqqa qarsy zaŋnamadaǧy özgerısterdı talqylady. Tūrǧyndarmen kerı bailanysty tiımdı ūiymdastyruǧa da nazar audardy.
«AMANAT partiiasynyŋ oblystyq filialy ūiymdastyrǧan Forum Prezident Qasym-Jomart Toqaevtyŋ saiasi reformalaryn jüzege asyru joldarynyŋ bırı bolyp tabylady. Kezdesu jemıstı bolatynyna senımdımın, qatysuşylar özderınıŋ kündelıktı jūmysynda tabysty paidalana alatyn jaŋa bılım men daǧdylarǧa ie bolady», - dep atap öttı Qaraǧandy oblysynyŋ äkımı Ermaǧanbet Bölekpaev.Öz kezegınde, «AMANAT» partiiasy Qaraǧandy oblystyq filialynyŋ töraǧasy Bekzat Altynbekov auyldyq eldı mekenderdı damytudyŋ mänı men maŋyzyna toqtaldy.
«Auyl – qazaqtyŋ altyn besıgı. Elge eŋbegı sıŋgen körnektı tūlǧalar da, osynda otyrǧan köpşılık azamattar da auyldan tülep ūşty. Auyldyŋ jai-küiı – bärımızge ortaq. Onyŋ aldaǧy künderı qai baǧytta damityny sızder men bızge bailanysty. Iаǧni, bız ışı de, syrty da bütın el boluymyz kerek. Sondyqtan auyl äkımıne artylatyn jauapkerşılık jügı – ärkez auyr. Auyl azamattary sızderge airyqşa ümıt artady», – dedı ol.Osylaişa, forum jūmysy plenarlyq sessiia formatynda ötıp, 2 bölımnen tūrdy. Alǧaşqy bölımde – partiianyŋ oblystyq filialy, Ortalyq apparaty basşylyǧynyŋ, Qaraǧandy oblysy äkımı apparatynyŋ, Memlekettık qyzmet ısterı agenttıgı Qaraǧandy oblysy boiynşa departamentınıŋ, QR Prezidentı janyndaǧy Memlekettık basqaru akademiiasy Qaraǧandy oblysy boiynşa filialynyŋ, Mäjılısı deputattarynyŋ, partiianyŋ aumaqtyq filialdary töraǧalarynyŋ, qalalar men audandar, auyldyq okrugter äkımderınıŋ qatysuymen plenarlyq otyrys ūiymdastyryldy. Kelesı bölımde – oqytu seminary ötkızıldı. Onda äkımder zaŋnamadaǧy, onyŋ ışınde memlekettık satyp alu salasyndaǧy özgerıster turaly jan-jaqty aqparat aldy. Memlekettık qyzmet ısterı salasyndaǧy trenerler menedjment prosesın jetıldıru, imidj qalyptastyru boiynşa ädıstemelık ūsynystar berdı. Jalpy, jiyn barysynda bilık tarmaqtarynyŋ özara bailanysyn nyǧaiyp, syndarly şeşımder qabyldau qatysty türlı keŋes berıldı. Aita keteiık, «AMANAT» partiiasynyŋ «Halyqpen bırge!» sailaualdy baǧdarlamasy aiasynda auyl tūrǧyndaryna ömır süruge qolaily tūrmys deŋgeiı men eŋbek jaǧdaiyn jasap, auyl azamattarynyŋ sapaly infraqūrylymǧa, bılımge, medisinaǧa qol jetkızuın qamtamasyz etu közdelude. Osy maqsatta – tez salynatyn sport ǧimarattarynyŋ qūrylysyn qamtamasyz etu, auyldaǧy jas medisina mamanyna köterme järdemaqyny 100 JTM-ge deiın arttyru, auyldaǧy sanitariialyq avtokölıkterdı jabdyqtau, auyl tūrǧyndarynyŋ skrining tızımın on bır türge deiın arttyru baǧytynda jüielı jūmys jürgızılude.
