ليۆاندىق حەزبوللا ۇيىمىنىڭ مارقۇم كوشباسشى حاسان ناسرۋللانىڭ ورنىنا كەلەدى دەپ كۇتىلگەن حاشەم سافي اد-دين دە قازا تاپتى، دەپ حابارلايدى "ادىرنا" ۇلتتىق پورتالى حالىقارالىق اگەنتتىكتەرگە سىلتەپ.
8 قازان كۇنى يزرايل پرەمەر-ءمينيسترى بينيامين نەتانياحۋ ليۆاننىڭ "حەزبوللا" ۇيىمى ليدەرىنىڭ ولتىرىلگەنى تۋرالى حابارلادى.
نەتانياحۋ ءوز كەڭسەسى جاريالاعان ليۆان حالقىنا ۆيدەو ۇندەۋىندە ءتيىستى مالىمدەمە جاسادى. ول بۇل قوزعالىستى ليۆانداعى جالعاسىپ جاتقان قارجىلىق داعدارىستىڭ سەبەبى دەپ ايىپتاپ، ءوز ەلىن
حەزبوللادان «ازات ەتۋگە» شاقىردى.
ۇقساس جاڭالىقتار
«ءبىز حەزبوللانىڭ الەۋەتىن السىرەتىپ تاستادىق، سونىڭ ىشىندە ناسرۋللانىڭ ءوزىن، ونىڭ مۇراگەرلەرىن ولتىردىك»، - دەدى ب.نەتانياحۋ.ەۆرەي مەملەكەتىنىڭ پرەمەر-ءمينيسترى دە حەزبوللانىڭ السىرەگەنى تۋرالى ايتتى. نەتانياحۋ ءيزرايلدىڭ حەزبوللاعا قارسى كۇرەسىن جالعاستىرۋعا بەل بايلاعانىن باسا ايتتى. ايتا كەتەيىك، ليۆاننىڭ حەزبوللا ۇيىمىنىڭ باسشىسى، حاسان ناسرۋللا 27 قىركۇيەك كۇنى بەيرۋتتە ءيزرايلدىڭ اۋە شابۋىلى كەزىندە قازا بولدى
