تاياۋ شىعىستاعى جاعدايدىڭ ۋشىعۋىنا بايلانىستى ليۆاندا بولعان 41 قازاقستاندىق ەلگە جەتكىزىلدى. بۇل تۋرالى بۇگىن، 4 قاراشادا سىرتقى ىستەر مينيسترلىگىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«اتالعان وپەراتسيا ىستانبۇل جانە دۋباي قالالارى ارقىلى ۇيىمداستىرىلىپ، ناتيجەسىندە 17-31 قازان ارالىعىندا بەيرۋتتان استانا مەن الماتى قالالارىنا 41 ادام امان-ەسەن جەتكىزىلدى»،—دەلىنگەن حابارلامادا.
ايتا كەتەيىك، ەۆاكۋاتسيا اسكەري قاقتىعىس ايماعىندا قالعان قازاقستاندىقتاردىڭ قۇقىقتارى مەن مۇددەلەرىن قورعاۋ ماقساتىندا جۇرگىزىلدى.
بۇعان دەيىن قازاقستاننىڭ ليۆانداعى ەلشىلىگى ەلدەگى قاقتىعىستارعا بايلانىستى ازاماتتاردى ساقتىق ماقساتىندا ليۆاننان كەتۋگە شاقىرعان بولاتىن.
