Taiau Şyǧystaǧy jaǧdaidyŋ uşyǧuyna bailanysty Livanda bolǧan 41 qazaqstandyq elge jetkızıldı. Būl turaly bügın, 4 qaraşada Syrtqy ıster ministrlıgınıŋ baspasöz qyzmetı aitty, dep habarlaidy «Adyrna» tılşısı.
«Atalǧan operasiia Ystanbūl jäne Dubai qalalary arqyly ūiymdastyrylyp, nätijesınde 17-31 qazan aralyǧynda Beiruttan Astana men Almaty qalalaryna 41 adam aman-esen jetkızıldı»,—delıngen habarlamada.
Aita keteiık, evakuasiia äskeri qaqtyǧys aimaǧynda qalǧan qazaqstandyqtardyŋ qūqyqtary men müddelerın qorǧau maqsatynda jürgızıldı.
Būǧan deiın Qazaqstannyŋ Livandaǧy elşılıgı eldegı qaqtyǧystarǧa bailanysty azamattardy saqtyq maqsatynda Livannan ketuge şaqyrǧan bolatyn.
