جاركەنتتەگى وفيتسەردىڭ ولىمىنە قاتىستى وزگە دە دەرەكتەر پايدا بولدى، دەپ حابارلايدى "ادىرنا" ۇلتتىق پورتالى.
قۇرلىق اسكەرلەرىنىڭ ءباسپاسوز قىزمەتى وفيتسەردىڭ ديۆەرسياعا قارسى قاۋىپسىزدىك بويىنشا جوسپاردان تىس وقۋ-جاتتىعۋ كەزىندە العان جاراقاتىنان قايتىس بولعانىن حابارلادى. جاركەنتتەگى وفيتسەردىڭ ولىمىنە قاتىستى ءتورت ادام قاماۋعا الىنعان بولاتىن.
14 قاراشا كۇنى جەتىسۋ وبلىسىنداعى 74261 اسكەري بولىمىندە كاپيتان دارحان داۋلەتتىڭ مايىتى تابىلعانى جونىندە حابارلاعان ەدىك.
مارقۇمنىڭ تۋىستارىنىڭ ايتۋىنشا، 13 قاراشا كۇنى تۇنگى كەزەكشىلىككە كەتكەن ول تۇنگى ءبىر شاماسىندا قازا تاپقان. اسكەريلەر وفيتسەردىڭ ءولىمى تۋرالى تۋىستارىنا تاڭعى ساعات 7-دە حابارلاعان.
ودان بولەك، مارقۇمدى جۋىندىرعان اعاسى ونىڭ قاتتى سوققىعا جىعىلعانىن، قولدارى مەن اياقتارىندا ارقان ىزدەرى، باس سۇيەگىندە سىزات بارىن ايتادى.
ء“ىستى تەرگەپ جاتقان قۇزىرلى ورگانداردان ەڭ ءبىرىنشى تالاپ ەتەتىنىمىز – ادىلدىك. باۋىرىمنىڭ، دارحاننىڭ ولىمىنە قاتىسى بار ادامدار زاڭ الدىندا جاۋاپ بەرۋىن سۇرايمىز جانە تالاپ ەتەمىز. بۇگىن جەرلەۋگە جوعارى شەندى گەنەرالدار مەن دەپۋتاتتار قاتىستى. ولار كەشىرىم سۇرادى. گەنەرال بۇل ءىستى ءادىل تەرگەپ، وعان قاتىسى بارلاردى جازالايتىنىنا ۋادە بەردى. بىراق قانداي باپ بويىنشا ءىس قوزعالىپ جاتقانىن بىلمەيمىز", – دەيدى مارقۇمنىڭ باۋىرى ەرمەك مۇساۇلى.
ايتا كەتەيىك، قازاق اسكەرىندە تاعى ءبىر وفيتسەردىڭ كوز جۇمعانى حابارلانعان بولاتىن.
ۇقساس جاڭالىقتار
