كيبەركەڭىستىكتە اقپارات تۇتىنۋ مادەنيەتى

بۇگىن “دوستىق ءۇيى” عيماراتىندا تۇركىستان وبلىستىق قوعامدىق دامۋ باسقارماسى «قوعامدىق كەلىسىم» كمم-ءنىڭ ۇيىمداستىرۋىمەن «كيبەركەڭىستىكتە اقپاراتتى تۇتىنۋ مادەنيەتى» تاقىرىبىندا سەمينار ءوتتى. ءىس-شاراعا قۋانىشباي جۇمادىلداەۆ، جاننا الدابەرگەنوۆا جانە ەربول تۇرسىنباەۆ قاتىسىپ، كيبەرقاۋىپسىزدىك پەن ينتەرنەتتەگى مادەنيەت تۋرالى باياندامالار جاسادى. سەميناردى قوعامدىق دامۋ باسقارماسىنىڭ باسشىسى ەرلان كۇزەمباەۆ جۇرگىزدى. سەميناردىڭ ماقساتى – كيبەركەڭىستىكتەگى اقپاراتتى دۇرىس تۇتىنۋ مادەنيەتىن قالىپتاستىرۋ، ينتەرنەتتەگى اقپاراتتىق قاۋىپسىزدىككە نازار اۋدارتۋ جانە جالعان اقپاراتپەن كۇرەسۋ جولدارىن تالقىلاۋ بولدى. قاتىسۋشىلار تسيفرلىق ورتادا جاۋاپكەرشىلىك پەن مادەنيەت قالىپتاستىرۋدىڭ ماڭىزدىلىعىن اتاپ ءوتتى. «اقپارات ايدىنىندا كەمسىتۋگە جول بەرمەي، مادەنيەتتىلىكتى ساقتاۋىمىز كەرەك» - دەدى، قر مادەنيەت جانە اقپارات مينيسترلىگىنە قاراستى قولدانبالى ەتنوساياسي زەرتتەۋلەر ينستيتۋتى ديرەكتورىنىڭ ورىنباسارى سادۋاقاسوۆا ايگۇل كاكىمبەكقىزى.