جاستار - بولاشاقتىڭ جارقىن بەينەسى

تۇركىستان وبلىسى قوعامدىق دامۋ باسقارماسى “جاستار رەسۋرستىق ورتالىعى” كمم-ءنىڭ ۇيىمداستىرۋىمەن “BASTAU TALKS” قوعامدىق لەكتسياسى اياسىندا ايتىسكەر اقىن، مەملەكەتتىك «دارىن» سىيلىعىنىڭ يەگەرى بەكارىس شويبەكوۆ پەن حالىقارالىق ايتىس اقىندارى مەن جىرشى-تەرمەشىلەر وداعى تۇركىستان وبلىستىق  فيليالىنىڭ توراعاسى، ايتىسكەر اقىن تۇرار تىلەۋليەۆ كەنتاۋ قالاسىنىڭ جاستارىمەن كەزدەستى. 📋كەزدەسۋ ماقساتى - جاستارعا ءتالىم-تاربيە، رۋحاني باعىت-باعدار بەرۋ، كوشباسشىلىق قابىلەتتەرىن دامىتۋ، وسكەلەڭ ۇرپاقتى بەلسەندى جانە جاۋاپتى ازامات ەتىپ قالىپتاستىرۋ، ءبىلىم مەن تاجىريبە الماسۋ. سونىمەن قاتار، دۇنيەتانىمى، وزىندىك كوزقاراسى قالىپتاسقان سانالى ازامات ەتىپ تاربيەلەۋ، ءوز ەلىنىڭ دامۋىنا ۇلەس قوسۋ ارقىلى وتانىنا، تۋعان جەرىنە دەگەن سۇيىسپەنشىلىگىن ارتتىرۋ. بەكارىس شويبەكوۆ، ەلىمىزگە تانىمال تۇلعا ءارى قوعامدىق قايراتكەر رەتىندە، جاستارعا بىرنەشە ماڭىزدى ۇستانىمدار مەن كەڭەستەر بەردى. ول قازىرگى قوعامدا وزگەرىستەر مەن دامۋ، ءوز-ءوزىڭدى تابۋ جانە جاۋاپكەرشىلىككە شاقىرۋ ماسەلەلەرىنە نازار اۋداردى. ء“اربىر جاس ءوزىنىڭ ءىس-ارەكەتىنە جاۋاپتى بولۋى ءتيىس. بۇل تەك جەكە ومىردە عانا ەمەس، قوعامدا دا ۇلكەن اسەر قالدىرۋى مۇمكىن” - دەپ ءسوزىن اياقتادى اقىن. تۇرار تىلەۋليەۆ، قازاق قوعامىندا تانىمال تۇلعا ءارى جاستارعا ارنالعان كوپتەگەن موتيۆاتسيالىق سوزدەرىمەن بەلگىلى، جاستارعا ءوز بولاشاقتارىن قۇرۋدا ناقتى باعىت-باعدار بەردى. ونىڭ سوزدەرى مەن كەڭەستەرى جاستاردىڭ دامۋ مەن جەتىستىككە جەتۋ جولىندا بەرەر پايداسى مول بولماق. سونىمەن قاتار بەكمۇرات انارباەۆتىڭ “اعايىننىڭ اراسى” اتتى — جاستارعا ارنالعان تاربيە مەن ونەگە بەرەتىن، ءومىردىڭ ماڭىزى مەن قيىندىقتارىن تۇسىندىرەتىن تەرمەسىن تۇرار اقىن جاستارعا اعايىن اراسىنداعى سىيلاستىق، ىنتىماق پەن بىرلىك، ۇلكەندەرگە قۇرمەت كورسەتۋ، قيىنشىلىقتاردى بىرگە جەڭۋ سياقتى قۇندىلىقتاردى دارىپتەۋ ماقساتىندا ورىنداپ بەردى. 🔹“BASTAU TALKS” قوعامدىق لەكتسياسى – جاستار ءۇشىن جاڭا مۇمكىندىك. بۇل جوبا ءار ءتۇرلى سالادا جەتىستىككە جەتكەن مامانداردى، تالانتتى جاستاردى جانە بەلسەندى قوعام قايراتكەرلەرىن جيناپ، جاستاردىڭ ءبىلىم مەن تاجىريبە الماسۋىنا مۇمكىندىك جاساۋ. ولاردىڭ ومىرلىك تاجىريبەسى مەن جەتىستىككە جەتۋ جولىن جاستارعا ۇلگى ەتە وتىرىپ، موتيۆاتسيا بەرىپ، دامىتۋ، تىڭ اقپارات الۋعا باعىتتالعان.