"سپورت - ءبىزدىڭ سەرىگىمىز!" سپارتاكياداسى ءوتتى

تۇركىستان وبلىسى قوعامدىق دامۋ باسقارماسىنىڭ “جاستار رەسۋرستىق ورتالىعى” كمم-ءنىڭ ۇيىمداستىرۋىمەن “17 قاراشا - حالىقارالىق ستۋدەنتتەرى كۇنى” قارساڭىندا واوو ستۋدەنتتەرى اراسىندا وتكەن «سپورت – ءبىزدىڭ سەرىگىمىز!» اتتى سپارتاكيادا ءوز مارەسىنە جەتتى. جابىلۋ سالتاناتىندا تۇركىستان وبلىسى قوعامدىق دامۋ باسقارماسىنىڭ “جاستار رەسۋرستىق ورتالىعى” كمم-ءنىڭ باسشىسى بەكتاەۆ ەرنار نۇرالىۇلى ءسوز سويلەپ، جەڭىمپازداردى قۇتتىقتادى. “بۇل سپارتاكيادا – سپورتتى ناسيحاتتاۋدىڭ جارقىن ۇلگىسى. قاتىسۋشىلاردىڭ ىنتا-جىگەرى، سپورتقا دەگەن قۇشتارلىعى ەرەكشە بولدى. بارشا جەڭىمپازداردى قۇتتىقتايمىن جانە جاستارىمىزدى الداعى ۋاقىتتا دا وسىنداي بەلسەندىلىك تانىتىپ، جوعارى جەتىستىكتەرگە جەتە بەرۋگە شاقىرامىن،” – دەدى ەرنار نۇرالىۇلى. شارا بارىسىندا قاتىسۋشىلار سپورتتىڭ ءتورت تۇرىنەن سىنعا ءتۇسىپ، ءوز شەبەرلىكتەرىن كورسەتتى. قورىتىندى بويىنشا جەڭىمپازدار مەن جۇلدەگەرلەر انىقتالدى: • 1-ورىن – 150 000 تگ. “تۇركىستان جوعارى كوپسالالى، قولونەر كوللەدجى” (تۇركىستان قالاسى); • 2-ورىن – 100 000 تگ. “د.قوناەۆ اتىنداعى اگرارلىق-تەحنيكالىق كوللەدج” (سايرام اۋدانى); • 3-ورىن – 75 000 تگ. “ەرقانات تاڭىربەرگەنوۆ اتىنداعى تۇركىستان يندۋستريالدى-تەحنيكالىق كوللەدجى” (تۇركىستان قالاسى). سونىمەن قاتار، جەكەلەي ماراپاتتار تابىستالدى: • ۇزدىك ويىنشى – قالدانبەك ايدوس; • ۇزدىك شابۋىلشى – ومىرزاق ءنۇرسات. جارىستىڭ ماقساتى: • سالاۋاتتى ءومىر سالتىن ناسيحاتتاۋ ارقىلى جاستاردىڭ دەنساۋلىعىن نىعايتۋ; • ءارتۇرلى وقۋ ورىندارىنىڭ ستۋدەنتتەرى اراسىندا دوستىق قارىم-قاتىناستى ارتتىرۋ; • جاستاردىڭ سپورتقا دەگەن قىزىعۋشىلىعىن وياتىپ، ولاردىڭ شەبەرلىگىن شىڭداۋ. بۇل سپارتاكيادا جاستار اراسىندا دوستىقتى، بىرلىكتى نىعايتىپ، سالاۋاتتى ءومىر سالتىن دارىپتەۋدە ۇلكەن ۇلەس قوستى.