"اقيقات" جالپىۇلتتىق سوتسيال-دەموكراتيالىق پارتياسىنىڭ 15-سەزىندە پارتيا توراعاسى بولىپ اسحات راقىمجانوۆتىڭ سايلانۋى قوعامداعى قاۋلاعان اڭگىمەنىڭ نەگىزى بولدى. وسىعان دەيىن پارتيانى باسقارعان ەرمۇرات باپيعا پارتيالاستارى سەنىمسىزدىك ءبىلدىرىپ، ورنىنان الىپ تاستادى. الىپ قانا قويماي، پارتيا قاتارىنان شىعارىپ جىبەردى. پارتيانىڭ جاڭا توراعاسى اسحات راقىمجانوۆ بۇعان دەيىن پارتيانىڭ نۇر-سۇلتان قالالىق بولىمشەسىنە جەتەكشىلىك ەتكەن.
قازىرگى توراعا بولىپ سايلانعان اسحات راقىمجانوۆ پارتيانىڭ 15-سەزى باستالىسىمەن كوكتەمدە پاريجگە بارعان ەرمۇرات باپيدى ايىپتاپ، اكەجان قاجىگەلدينمەن، بەرگەي رىسقاليەۆپەن كەزدەسكەنىن سىنادى. سوسىن، پارتيا مۇشەلەرىنەن توراعاعا سەنىمسىزدىك ءبىلدىرۋدى سۇراپ، پارتيانىڭ جاڭا توراعاسىن سايلاۋعا شاقىردى.
ءوزىنىڭ وتستاۆكاسىن قابىل الۋدى سۇراعان ەرمۇرات باپيدىڭ قولىنان پارتيانىڭ تاعى ءبىر ورىنباسارى تازابەك سامەتاي ميكروفوندى الىپ، ورنىنا وتىرۋىن سۇراعان. وعان "ەلدەگى جالعىز وپپوزيتسيالىق پارتيانى جەرلەدىڭىزدەر" دەپ ەرمۇرات باپي جينالىستى تاستاپ شىعىپ كەتتى.
ۆيدەو
"ازاتتىق" راديوسىنىڭ ۆيدەوسى
ءبىر قىزىعى، باپيدى پاريجدە قاجىگەلدينمەن كەزدەستى دەپ ايىپتاعان اسحات راقىمجانوۆ تا، تازابەك سامەتاي دا، تاعى ءبىر ورىنباسار مەيرامبەك قامالوۆ تا ءبارى بىرگە پاريجگە بارعان.
ەرمۇرات باپيدىڭ وزىنەن وسى جاعدايعا پىكىر ءبىلدىرۋىن سۇراعانىمىزدا " مەن بۇلاي بولادى دەپ ويلامادىم. نەگىزگى، پارتيانىڭ كۇن تارتىبىندە كۇزدەگى ساياسي ناۋقاندارعا پارتيانىڭ بەلسەندىلىگىن ارتتىرۋ ماسەلەسى قارالۋى ءتيىس بولاتىن. ال، جاڭاعى مەنى ايىپتاپ وتىرعان ءۇش ورىنباسار دا مەنىمەن بىرگە پاريجگە بارعان بولاتىن. ولاردان بولەك الماتىدان دا، ەلوردادان دا ازاماتتىق قوعام وكىلدەرى باردى. جاستارعا ورىن بەرۋ كەرەك دەپ جاتىرمىز عوي. مەن وسى سەزدە ءوز ورىنىمدى جانبولات مامايعا قالدىرىپ، پارتيا مۇشەلەرىنەن مامايدىڭ كانديداتۋراسىن قولداۋدى سۇراماقشى بولعانمىن" دەپ جاۋاپ بەردى.
- جانبولات مامايدى پارتيا توراعاسىنا ۇسىنۋ تۋرالى ويىڭىزدى باسقا بىرەۋلەر ءبىلۋشى ما ەدى؟
- ەشكىمگە ايتقان جوقپىن. قازىرگى قازاقستاننىڭ جاعدايىندا مۇنداي نارسەنى ەشكىمگە ايتپاۋ كەرەك ەكەنىن مەن جاقسى بىلەمىن. سوندىقتان ماماي جايلى ەشكىم حابارسىز بولاتىن.
-جسدپ بيلىكتىڭ جوباسى دەپ جاتقاندارعا نە دەيسىز؟
-جسدپ ەشقانداي دا بيلىكتىڭ جوباسى ەمەس. وسى سوڭعى پرەزيدەنت سايلاۋىنان كەيىن ءبىزدىڭ قوعام قاتتى وزگەردى. ءبىزدىڭ ازاماتتىق قوعام وياندى. ساياسي الاڭدى سايلاۋعا دەيىن جانە سايلاۋدان كەيىن دەپ قاراۋعا بولادى. مەن وسى ازاماتتىق قوعامدى جسدپ-نىڭ قاسىنا توپتاپ، ارەكەت ەتەيىن دەگەنمىن. ال، جسدپ-نى سوڭعى جاعدايلارعا قاراپ، بيلىك نەمەسە بيلىككە قاتىسى بار كلاندار باسىپ الدى ما دەپ ويلايمىن. وسى پارتيانى ساقتاپ قالۋ ءۇشىن كوپتەگەن قوعامدىق قوزعالىستار مەن قوعام بەلسەندىلەرى ماعان حابارلاسىپ، سوڭىنا دەيىن كۇرەسۋىمدى سۇراپ جاتىر. سەزگە شاقىرىلعان وبلىستار وبلىستىق فيليالداردىڭ سەزگە دەلەگاتتار سايلايتىن جينالىسى بولعان جوق دەپ جاتىر. بۇنداي جاعداي شىمكەنت فيليالىندا، شىعىس قازاقستان وبلىسى مەن تۇركىستان وبلىستىق فيليالدارىندا تىركەلگەن ەكەن. سايلاۋدا بەلسەندىلىك كورسەتكەن تاۋەلسىز باقىلاۋشىلار ارقىلى وسى جاعدايلار انىقتالسا، سەزدى زاڭسىز ءوتتى ساناۋعا تولىق نەگىز بار.
-الەۋمەتتىك جەلىدە باپي قوسانوۆتىڭ باجاسى بولعاندىقتان سەنىمسىزدىك ءبىلدىرىلدى دەگەن اقپارات تاراپ جاتىر.
-جوق، بۇل نەگىزگى سەبەپ ەمەس. بىرەۋلەر بۇنى ماقساتتى تۇردەك ادەيى تاراتۋى مۇمكىن. ايتپەسە، قوسانوۆ سايلاۋعا تۇسكەندە جسدپ بايكوت جاريالاعان بولاتىن. سول پارتيانىڭ توراعاسى رەتىندە مەن دە بايكوتتى قولداعان بولاتىنمىن.
"اقيقات" جسدپ-نا پارتيا توراعاسى بولىپ كەلگەن اسحات راقىمجانوۆتى بىلەتىندەر قازاقشاعا شورقاق دەيدى. قازىرگى تاڭدا قازاقستاننىڭ الەۋمەتتىك-ساياسي قوعامى تولىق قازاقشالاندى دەسە بولادى. ورىسشا سويلەپ، ورىسشا پىكىر ايتاتىن ساياساتتانۋشىلار مەن ساياساتكەرلەردىڭ ەلەۋسىز قالعانى دا سول. وسى جاعدايدى ەسكەرسەك، "اقيقات" جسدپ -نىڭ قازاقشاعا شابان توراعاسى قازاق قوعامىنا قانشالىقتى ىقپال ەتە الادى؟
بىلەتىندەر، ەرمۇرات باپيدىڭ پارتيا توراعالىعىنان كەتىرىلۋى 2021 جىلى ءوتۋى ءتيىس پارلامەنت سايلاۋىنىڭ مەرزىمىنەن ەرتە ءوتۋىنىڭ العىشارتى دەيدى. وپپوزيتسيالىق پارتيا رەتىندە تىركەلگەن "اقيقات" جسدپ پارلامەنتكە ورىن الاتىن بولسا پارتيا توراعاسى ەرمۇرات باپي ءسوزسىز دەپۋداد بولادى. ونداي جاعدايدا 20 جىل بيلىككە وپپوزيتسيا بولىپ كەلە جاتقان باپي پارلامەنتكە بارسا مۇلگىگەن پارلامەنتكە "جان بىتىرەدى" دەپ قورقادى دەيدى ساياساتتان حابارى بارلار. سوندىقتان 2005 جىلى بايمەنوۆ پەن جۋلانوۆا بيلىككە قاتەر توندىرگەن "اقجولدى" قالاي بولگەنىن ەسكە الساڭىزدار دا جەتكىلىكتى. بيلىك سول تەحنولوگياسىن وسى جولى پايدالاندى دەيدى الگى بىلگىشتەر.
اكەجان قاجىگەلدين بولسا بۇل ءىستىڭ ارتىندا اقوردا مەن قاسىم-جومارت توقاەۆتىڭ تۇرماعانىن ايتادى. "ازاتتىق" راديوسىنا بەرگەن سۇحباتىندا شەت ەلدەگى ەكس-پرەمەر اسحات راقىمجانوۆتىڭ ارتىندا بەلگىلى كۇشتەر تۇرعانىن، بىراق ول اقوردا مەن قازىرگى پرەزيدەنت ەمەس، بيلىككە قاتىسى بارلار بولۋى مۇمكىن دەگەن بولاتىن.
جالپىۇلتتىق سوتسيال-دەموكراتيالىق پارتيانىڭ توراعاسى جارماحان تۇياقباي 26 ساۋىردە وتكەن پارتيا سەزىندە توراعا قىزمەتىنەن كەتىپ، ونىڭ ورنىنا "دات" گازەتتەر جوباسىنىڭ جەتەكشىسى، تاۋەلسىز جۋرناليست ەرمۇرات باپي سايلانعان ەدى. سول سەزدەن سوڭ پارتيا اتاۋى "اقيقات" جسدپ بولىپ وزگەرگەن.
وڭعار قابدەن
"ادىرنا" ۇلتتىق پورتالى
