"Aqiqat" jalpyūlttyq sosial-demokratiialyq partiiasynyŋ 15-sezınde partiia töraǧasy bolyp Ashat Raqymjanovtyŋ sailanuy qoǧamdaǧy qaulaǧan äŋgımenıŋ negızı boldy. Osyǧan deiın partiiany basqarǧan Ermūrat Bapiǧa partiialastary senımsızdık bıldırıp, ornynan alyp tastady. Alyp qana qoimai, partiia qatarynan şyǧaryp jıberdı. Partiianyŋ jaŋa töraǧasy Ashat Raqymjanov būǧan deiın partiianyŋ Nūr-Sūltan qalalyq bölımşesıne jetekşılık etken.
Qazırgı töraǧa bolyp sailanǧan Ashat Raqymjanov partiianyŋ 15-sezı bastalysymen köktemde Parijge barǧan Ermūrat Bapidy aiyptap, Äkejan Qajygeldinmen, Bergei Rysqalievpen kezdeskenın synady. Sosyn, partiia müşelerınen töraǧaǧa senımsızdık bıldırudı sūrap, partiianyŋ jaŋa töraǧasyn sailauǧa şaqyrdy.
Özınıŋ otstavkasyn qabyl aludy sūraǧan Ermūrat Bapidyŋ qolynan partiianyŋ taǧy bır orynbasary Tazabek Sämetai mikrofondy alyp, ornyna otyruyn sūraǧan. Oǧan "Eldegı jalǧyz oppozisiialyq partiiany jerledıŋızder" dep Ermūrat Bapi jinalysty tastap şyǧyp kettı.
Video
"Azattyq" radiosynyŋ videosy
Bır qyzyǧy, Bapidy Parijde Qajygeldinmen kezdestı dep aiyptaǧan Ashat Raqymjanov ta, Tazabek Sämetai da, taǧy bır orynbasar Meirambek Qamalov ta bärı bırge Parijge barǧan.
Ermūrat Bapidyŋ özınen osy jaǧdaiǧa pıkır bıldıruın sūraǧanymyzda " Men būlai bolady dep oilamadym. Negızgı, partiianyŋ kün tärtıbınde küzdegı saiasi nauqandarǧa partiianyŋ belsendılıgın arttyru mäselesı qaraluy tiıs bolatyn. Al, jaŋaǧy menı aiyptap otyrǧan üş orynbasar da menımen bırge Parijge barǧan bolatyn. Olardan bölek Almatydan da, elordadan da azamattyq qoǧam ökılderı bardy. Jastarǧa oryn beru kerek dep jatyrmyz ǧoi. Men osy sezde öz orynymdy Janbolat Mamaiǧa qaldyryp, partiia müşelerınen Mamaidyŋ kandidaturasyn qoldaudy sūramaqşy bolǧanmyn" dep jauap berdı.
- Janbolat Mamaidy partiia töraǧasyna ūsynu turaly oiyŋyzdy basqa bıreuler bıluşı ma edı?
- Eşkımge aitqan joqpyn. Qazırgı Qazaqstannyŋ jaǧdaiynda mūndai närsenı eşkımge aitpau kerek ekenın men jaqsy bılemın. Sondyqtan Mamai jaily eşkım habarsyz bolatyn.
-JSDP bilıktıŋ jobasy dep jatqandarǧa ne deisız?
-JSDP eşqandai da bilıktıŋ jobasy emes. Osy soŋǧy prezident sailauynan keiın bızdıŋ qoǧam qatty özgerdı. Bızdıŋ azamattyq qoǧam oiandy. Saiasi alaŋdy sailauǧa deiın jäne sailaudan keiın dep qarauǧa bolady. Men osy azamattyq qoǧamdy JSDP-nyŋ qasyna toptap, äreket eteiın degenmın. Al, JSDP-ny soŋǧy jaǧdailarǧa qarap, bilık nemese bilıkke qatysy bar klandar basyp aldy ma dep oilaimyn. Osy partiiany saqtap qalu üşın köptegen qoǧamdyq qozǧalystar men qoǧam belsendılerı maǧan habarlasyp, soŋyna deiın küresuımdı sūrap jatyr. Sezge şaqyrylǧan oblystar oblystyq filialdardyŋ sezge delegattar sailaityn jinalysy bolǧan joq dep jatyr. Būndai jaǧdai Şymkent filialynda, Şyǧys Qazaqstan oblysy men Türkıstan oblystyq filialdarynda tırkelgen eken. Sailauda belsendılık körsetken täuelsız baqylauşylar arqyly osy jaǧdailar anyqtalsa, sezdı zaŋsyz öttı sanauǧa tolyq negız bar.
-Äleumettık jelıde Bapi Qosanovtyŋ bajasy bolǧandyqtan senımsızdık bıldırıldı degen aqparat tarap jatyr.
-Joq, būl negızgı sebep emes. Bıreuler būny maqsatty türdek ädeiı taratuy mümkın. Äitpese, Qosanov sailauǧa tüskende JSDP baikot jariialaǧan bolatyn. Sol partiianyŋ töraǧasy retınde men de baikotty qoldaǧan bolatynmyn.
"Aqiqat" JSDP-na partiia töraǧasy bolyp kelgen Ashat Raqymjanovty bıletınder qazaqşaǧa şorqaq deidı. Qazırgı taŋda Qazaqstannyŋ äleumettık-saiasi qoǧamy tolyq qazaqşalandy dese bolady. Orysşa söilep, orysşa pıkır aitatyn saiasattanuşylar men saiasatkerlerdıŋ eleusız qalǧany da sol. Osy jaǧdaidy eskersek, "Aqiqat" JSDP -nyŋ qazaqşaǧa şaban töraǧasy qazaq qoǧamyna qanşalyqty yqpal ete alady?
Bıletınder, Ermūrat Bapidyŋ partiia töraǧalyǧynan ketırıluı 2021 jyly ötuı tiıs Parlament sailauynyŋ merzımınen erte ötuınıŋ alǧyşarty deidı. Oppozisiialyq partiia retınde tırkelgen "Aqiqat" JSDP Parlamentke oryn alatyn bolsa partiia töraǧasy Ermūrat Bapi sözsız depudad bolady. Ondai jaǧdaida 20 jyl bilıkke oppozisiia bolyp kele jatqan Bapi Parlamentke barsa mülgıgen Parlamentke "jan bıtıredı" dep qorqady deidı saiasattan habary barlar. Sondyqtan 2005 jyly Bäimenov pen Julanova bilıkke qater töndırgen "Aqjoldy" qalai bölgenın eske alsaŋyzdar da jetkılıktı. Bilık sol tehnologiiasyn osy joly paidalandy deidı älgı bılgışter.
Äkejan Qajygeldin bolsa būl ıstıŋ artynda Aqorda men Qasym-Jomart Toqaevtyŋ tūrmaǧanyn aitady. "Azattyq" radiosyna bergen sūhbatynda şet eldegı eks-premer Ashat Raqymjanovtyŋ artynda belgılı küşter tūrǧanyn, bıraq ol Aqorda men qazırgı prezident emes, bilıkke qatysy barlar boluy mümkın degen bolatyn.
Jalpyūlttyq sosial-demokratiialyq partiianyŋ töraǧasy Jarmahan Tūiaqbai 26 säuırde ötken partiia sezınde töraǧa qyzmetınen ketıp, onyŋ ornyna "Dat" gazetter jobasynyŋ jetekşısı, täuelsız jurnalist Ermūrat Bapi sailanǧan edı. Sol sezden soŋ partiia atauy "Aqiqat" JSDP bolyp özgergen.
Oŋǧar QABDEN
"Adyrna" ūlttyq portaly
